The big E

2007-08-18T07:41:00.000Z

www.ernalarsen.blog.com

2007-03-08T06:48:00.000Z

Mér finnst afskaplega sorglegar, þær 5 heimsóknir sem eiga sér stað á þessa síðu á hverjum degi.
Þannig að þrátt fyrir að ég hafi nokkuð gaman af að halda uppi þessari síðu, þá held ég að ég leggi bara pennann á hilluna.. í bili.

Bið ykkur öll vel að lifa og þakka samfylgdina
Amen

2007-03-02T09:36:00.000Z

Danir virðast yfir höfuð leggja alveg sérstaklega mikið uppúr þeirri kúnst að sortera ruslið sitt. Fyrir utan næstum öll hús og íbúðir eru 2 greinilega merktar ruslatunnur: önnur fyrir matarafganga, hin fyrir pappa og rusl.

Sjálf hef ég ekki alveg komist inn í þennan pakka; ég hendi bara því öllu mínu rusli í sama ruslapokann - og þegar önnur tunnan er full þá byrja ég á hinni!!!

Það býr alltaf í bakhöfðinu mínu að ruslamálanefnd banki hérna á dyrnar hjá mér, rífi mig útúr húsinu á eyrunum, fleygi mér í ruslahauginn minn og segi mér að sortera þetta almennilega, annars verði mér vísað úr landi.
Þess vegna, alltaf þegar ég heyri og sé ruslabílinn koma æðandi hérna inn botnlangann okkar - þá er ég ekki lengi að stökkva bakvið vegg og fela mig. Tauta með sjálfri mér að nú fari ég sko að gera þetta almennilega, ég hreinlega verði að taka mig saman í andlitinu, sortera vel og brjóta saman allan pappa......
....og síðan tæmist næsta mjólkurferna og þá er mér skyndilega sama um það allt saman!!!!

Maður verður nú að gefa þessum ruslaköllum eitthvað að vinna fyrir!!!!!

What goes around, comes around...!

2007-02-22T08:50:00.000Z

Á þriðjudeginum var gefin út stormviðvörun fyrir komandi klukkustundir: snjóstormviðvörun!
Ég tók það ekki alvarlega, hélt mínu við og leyfði vetrarúlpunni minni að hvíla inni í skáp. Það var nefnilega þannig seinast þegar slíku var útvarpað að þá birtist sko ekki mikið meiri snjór en kemur á tíbískum íslenskum sumardegi, samfara léttri sunnan golu!!!
Þannig að s.s þegar þessi blessaða viðvörun var gefin út núna í vikunni, þá lét ég fátt á mig fá. Danir eru náttúrulega soldið spes: Í beinu framhaldi af viðvöruninni var send út sér-útsending um það hvernig fólk á leið til vinnu gat undirbúið sig undir snjóinn: "Klæða sig vel, muna að hlaða gemmsann ef að eitthvað kemur uppá og þá er hægt að hringja á hjálp, og jafnvel hafa eitthvað nesti í bílnum - bara svona ef að maður verður fastur í feiri tíma!"
Eins og svo oft áður, þá gerði ég óspart grín að þessu við Martin - ekki var hrifningin mikil af hans hálfu; honum finnst ég nefniega ekki fara sparlega með eineltið í garð Danabúa.

Heyriði, haldiði ekki bara ... once and for all ... að það hafi komið svona svakalegur snjór að fólk bara kemst ekki útúr húsum!!! Martin eyddi í morgun um korteri í að klofvega yfir snjóskafla og skafa af bílnum sínum - til þess eins að koma aftur heim ca. 1,78 mínútum seinna því hann hreinlega komst ekki útúr innkeyrslunni!
Fyrir utan það er búið að loka Holbæk hraðbrautinni og lestar ganga ekki - þannig að maður er basically fastur heima fyrir hvort eð er.
Ef maður gerist svo djarfur að hætta sér út fyrir hússins dyr, og svo leiðinega tilvikast að maður festist - þá getur maður sko ekki gert ráð fyrir því að hjálpin sé á næsta leiti því að það er svo bjálað að gera hjá snjóhjálpurunum að dæmi eru um fólk sem sat fast á motorvejunum í alla nótt - og situr þar enn!!!!

Þannig að núna situr öll famman hérna snjóuð inni. Soldið kósí!!!

---

Annars var ég að finna mp3-spilarann minn eftir flutningana og er sko heldur betur búin að taka hann í notkun: ég algjörlega búin ofspila Justin Timberlake: "What goes around comes around" Búin að hlusta á það svo mikið að þegar ég spila það í græjunum frammi í stofu þá er eins og Isabella þekki lagið, því hún hættir alltaf því sem hún er að gera og lítur upp!
Hin 3 lögin sem að einnig eru í stanslausri spilun eru eftirfarandi:
* Depeche Mode - Enjoy the silence
* Nelly Furtado - Say it right
* HIM - Join me in death

Sweeeeet að geta aftur hlustað á tónist!

Og svo mörg voru þau orð, þarf að fleygja krílinu mínu upp í vagn - kominn tími á fyrsta lúr dagsins - veit bara ekki alveg hvort hann verður úti eða inni!!!
Leirahhh....

2007-02-17T22:36:00.000Z

P.s komnar nýjar myndir af Bellissimo

2007-02-17T21:59:00.000Z

Sit hérna sveitt með málningu upp eftir báðum handleggjunum - er að taka mér smá pásu frá pennslunum, enda ekki seinna vænna; það er allsvakalega þreytandi að sitja svona á gólfinu og meðhöndla strigana.
Ég nýti allar mögulegar stundir þegar prinsessan mín sefur til að fleygja mér í þessi málaraverkefni,- en það gengur soldið illa þessa dagana, því að hún virðist vera að fá tönn númer 3: er alltaf hreint með hendur uppi í kjafti, slefar og slefar og sefur hreinlega ekki mikið yfir næturnar! Puha...!!

Annars líður mér svo illa, Britney vegna. Ég hef aldrei verið hrifin af manneskjunni,- en það þarft sko eitthvað mikið af vera að gerast í hausnum á henni fyrst hún frivilligt rakar af sér allt hárið.
God knows að það þyrfti sko kraftaverk til þess að ég myndi nokkurn tímann gera hið sama,- það þarf nú ekki mikið meira en að klippa 1-2 cm af hárinu á mér og þá er ég ónýt manneskja; læsi mig inni á klósetti, grenja og grenja og bryð "SILICA hár, húð og neglur"- pillur í massavís!

Já, það er nokkuð ljóst að gellan hefur algjerlega farið yfirum!

---

Keypti mér 10-pak JUICY FRUIT tyggjó um daginn, hef ekki smakkað það síðan ég var í gaggó. Verð nú bara að viðurkenna það að ég hef smakkað betri leðurtuðru, þoli ekki lengi við með hverja plötu í kjaftinu og klára einn pakka á svona um það bil 12 mínútum! Bölvaður óbjóður!!

En jæja.. pásan er víst búin... back to work
tataaa

2007-02-10T15:58:00.000Z

Jæja, þá er undirrituð loksins loksins komin með internetið aftur!

Og ekki bara það... við erum LOKSINS LOKSINS búin að fá yndislega yndislega húsið okkar!!! Vuhúúú... party on.. dudeeee!
Náðum svona að klára flest allt á 5 dögum (kalla það godt gået því að það var sko nóg að flytja, plús það að Martin er í fullri vinnu, og auk þess að þjálfa og spila handbolta - og svo má ekki gleyma litla 8 mánaða gríslingnum).

Það vantar bara nokkur smáatriði hér og þar, eins og loftljós, eina hillu og svo nokkrar myndir upp á vegg (en ég er alveg á fullu að nýta tímann í hvert sinn sem litla prinsessan fer út að sofa, í það að reyna að mála eitthvað sómasamlegt!)
En annars er þetta allt að smella saman og er hreinlega bara draumur í dós!

Anywhoo, má ekki vera að þessari vitleysu akkúrat núna
hendi inn myndum af dýrðinni þegar allt er komið på plads
kveðjur að handan,
Larsen

2007-01-26T09:56:00.000Z

Langar bara að benda ykkur á að það eru komnar nýjar myndir af fallegasta barni í heimi.

Má ekki vera að þessu, þarf að pakka pakka pakka.....

2007-01-24T07:55:00.000Z

Í miðbæ Aarhus-borgar stendur stórt listasafn sem heitir AROS. Þar inni á einni af efstu hæðunum stendur vægast sagt umdeilanlegt "listaverk": fullvaxta hestur sem búið er choppa niður í einhverja 113 búta - eða svo - og skipta niður á jafnmargar krukkur!!!!!

-

Í gær tókum við Martin þá ákvörðun að reyna að vera óvenju healthy og í beinu framhaldi af því sendi ég drenginn út í búð að kaupa tofu.
Hálftíma seinna stóð ég inni í eldhúsi og tæmdi innkaupapokana,... og þegar ég saklaus meðhöndlaði matarkrukkuna í allra fyrsta sinn, varð mér óneitanlega hugsað til ofannefnds listaverks!!!

Það er óhætt að segja, að ég hef aldrei verið jafn sátt við björgunarhringinn minn, eins og akkúrat á þeirri stundu!!!

6 dagar í hús...

2007-01-23T09:37:00.000Z

Í fyrrinótt féll fyrsti snjór vetrarins hér í Danmörku. Get nú ekki sagt að það hafi verið neinn hríðarbylur, og víðast hvar var það lítill snjór að það sást enn í stétt og gras - en það var nú samt nóg til að Martin sat fastur í umferðinni úti á hraðbrautinni í einhverjar klukkustundir!
Ég get svo svariða, - Danir eru náttúrulega svolítið spes!

Ég fór svo út í hinn daglega göngutúr með dömunni minni í gær. Það snjóaði enn og blés nú alveg duglega, svo að Isabella var orðin allsvakalega útitekin í framan. Skrapp stutt í apótek, og það fyrsta sem ég heyrði þegar ég kom inn var: "Æjjj.. sjáiði litla rauða nefið!"
Þegar ég leit upp, þá stóðu þarna 3 afgreiðslustelpur í hóp, bentu á hana og tístu.
Krakkagreyið - alltaf er það eitthvað!

Á leiðinni heim hafði vindurinn aukist - og ég lét mig dreyma um þá tíð þegar KRAFT-gallarnir þóttu sérstaklega móðins. Gæti vel hugsað mér að eiga einn svoleiðis hérna inni í skáp, - en eins og allir vita sem þekkja mig, þá mun ég sko ekki fyrir mitt litla líf láta sjá mig í slíku kvikindi nema að það verði fyrst viðurkennt af tískulöggunni!

---

En já, 6 dagar í húsið góða. Martin búinn að festa kaup á 2 flatskjám. Hann er glaður maður núna!
Það gengur hins vegar ekki eins vel að pakka og planað var: við gleymdum nefnilega að kaupa límband, og ég fann ekkert í þeim búðum sem ég heimsótti í gær. Þannig að stressið fer svona rólega að hellast yfir mann.

Oh well,... þarf að leggja sætu í vagninn sinn
hilsner

2007-01-18T22:32:00.000Z

Kræst!

Er búin að vera í einhver 5 ár að reyna að komast inn á þetta blessaða Blogger - eftir að Google keypti kvikindið er það bara lífsins ómögulegt og hrottaralega pirrandi!
En svona er það, ég er komin inná aftur og allir eru glaðir!

Annars er mér það mikill heiður að tilkynna það að ekki eru nema aðeins 11 dagar í að við fáum afhentan lykilinn að nýja húsinu okkar, og af því tilefni erum við hægt og hljótt farin að tína ofan í flutningakassa. Alveg er æsingurinn orðinn verulegur, og er sérstaklega 2 sem að vekur tilhlökkun:
* Ég get ekki beðið eftir að fá mína eigin þvottavél og þurrkara; þurfa ekki að panta tíma og vesenast við drífa mig því það er einhver annar að bíða eftir vélunum. Ég bara þvæ og þurrka þegar ég vil - and I'm loving it!
* Í öðru lagi, þá verður það ólýsanlegt að komast á jarðhæð og geta skutlað dömunni út í barnavagninum hvenær sem maður vill, og að sama skapi látið hana sofa úti án neins vesens!

Og þar hafiði það!

En mig langaði nú bara aðallega að benda þeim örfáum, sem enn eru að lesa, á það að það eru komnar nýjar myndir inn á barnalandssíðuna. Vihúú.. happy happy joy joy!

Og í þeim töluðu orðum mun ég rjúka inn á klósett og bursta í mér tennurnar
Adios

2007-01-08T21:29:00.000Z

Ég hef verið í algjöru og svosum kærkomnu tölvufríi síðan ég kom á Klakann núna 2. jóladag. Hef ekki, svo mikið sem, lesið fréttirnar - hvorki dönsku né íslensku.

Þið verðið þess vegna að afsaka það að ég hef hreinlega ekki uppfært þessa bloggsíðu né barnalandssíðu dóttur minnar, - og mun hreinlegast ekki gera það fyrr en eftir að ég fer út aftur, sunnudaginn 14.

Og þar hafiði það
verð að skella mér í sturtu
aloha

2006-12-21T07:20:00.000Z

Jæja, þá er ég er búin að uppgötva enn eitt atriðið sem fer alveg einstaklega mikið í pirrurnar á mér, það á sér stað í dönskum stórmarköðum.

Ég hreinlega skil ekki af hverju fólk sem er á annað borð að versla fyrir himinháar fjárupphæðir, tímir ekki að blæða í innkaupapoka!?! Svo ég quote-i nú Martin: "Hvað er upp með það?"
Við erum að tala um það að fólkið hreinlega setur vörurnar, eina eftir eina, ofan í innkaupavagnana, rúllar þeim þannig að bílnum og tínir þær svo aftur upp og staflar þeim í skottið, til þess eins að endurtaka svo leikinn þegar komið er heim!

Guðisélof að það náðist að spara 2 dKr til að vega á móti þessum 768 sem fóru í matvörur!!!

Þið verið bara að afsaka, en ég bara fatta ekki þetta sparnaðarráð - og fæ einfaldlega grænar á rassinn þegar aðilinn fyrir framan mig er einn af ofannefndum.

---

Annars er fer nú að styttast allsvakalega í Íslandsheimförina: ekki nema 5 dagar! UnbeVIEvable!!!

Get ekki beðið!

En jæja verð að fara að fylla á kaffibollann áður en átök dagsins taka við: þarf að þvo heilar 4-5 vélar og byrja að vega og meta, og leggja til hliðar þau föt sem við mæðgur ætlum að taka með okkur.

Leiter

2006-12-11T11:09:00.000Z

Ég á það til, þegar mér leiðist, að gera í því að pirra aðra í kringum mig, - viljandi!

Ef EINHVER þekkir það, þá er það Martin. Hann hefur upplifað allskonar pot, tog og kitl, óþolandi spurningar, óhljóð, væl og vesen.

Um daginn var ég að tala við Lindu systur á MSN, þegar það rifjaðist upp fyrir mér þegar hún varð fyrir álíka áreiti:
Það var s.s fyrir einhverjum þónokkrum árum síðan (ég bjó enn heima hjá gamla settinu) að ég hafði verið nýbúin að plokka á mér augabrúnirnar. Í eirðarleysi mínu gekk fram og til baka í íbúðinni,... því ég vissi ekki hvurn fjandann ég átti við mig að gera.
Linda greyið sat alsaklaus við skrifborðið inni í herberginu sínu og skrifaði bréf til pennavinkonu sinnar, með hurðina opna. Ég ákvað að kíkja til hennar, og athuga hvort hún gæti stytt mér stundir.
Stúlkan, sem var nú hálf upptekin við að skrifa bréfið, sýndi mér ekki alveg jafn mikla athygli og ég hafði vonað og leit varla upp frá bréfsefninu.
Ég - enn með plokkarann í hendinni - settist á rúmkantinn hennar, hlammaði löppunum upp á skrifborðið , bretti upp buxnaskálmarnar og byrjaði að toga, plokka og tína hvert lappahárið á fætur öðrum og fleygði þeim svo duglega ofan á bréfið hennar Lindu.

Lindu var nú ekki skemmt, en mér fannst þetta æði, og hélt ótrauð áfram - - - þar til ég sá að hún hafði snúið leiknum við og hvorki meira né minna en safnaði saman öllum hárunum í klessu á bréfinu og ávarpað þau og pennavininn á sama stað.
"Hva ... hvað ertu að skrifa!? Ætlarðu að senda henni hárin?" - spurði ég
- "Ha? Hvað meinarðu" - svaraði Linda... einstaklega prakkaralega (að mér fannst).
"Ætlarðu að ljúga að henni?"
Enn skyldi Linda ekki neitt: "Um hvað ertu að tala?"
"Ætlarðu að senda henni lappahárin og ljúga að henni?"
- "Erna! Ég skil þig ekki?"
"Bíddu,... stendur ekki "19 nasahár" ?" spurði ég og benti á hárhrúguna efst í hægra horninu á bréfinu og greinagóða lýsinguna sem stóð þar fyrir ofan.
"Nei!" Svaraði Linda, "það stendur 19. nóvember!!!"

Já, dömur mínar og herrar. Það sem Erna litla hélt að væri tribute til listaverksins sem hún hafði staflað á borðið hjá systur sinni, var þá ekki neitt annað en dagsetningin á bréfinu.
Þetta fannst mér sko fyndið! Og ég skal bara segja ykkur það, að ég hló svo mikið að ég get svo svarið fyrir það..... little pee came out!!!!

Stundum þarf ekki meira til að gleðja mann!!!

2006-12-06T06:59:00.000Z

Jæja, þá eru flugmiðarnir komnir í hús og hljóðar næsta Íslandsheimsókn á þann veginn: koma 26. desember - brottför 14. janúar.

Rétt tæpar 3 vikur - sweet!

Get samt ekki sagt að ég sé komin í jólaskap: á afskaplega erfitt með að trúa því að það séu 18 dagar til jóla. Ég hef hreinlega ekkert gert - jólatengt - annað en að fleygja upp örfáum jólaskreytingum. En að öðru leiti hef ég ekki keypt neinar jólagjafir, ég hef ekkert (og mun ekki) baka neitt, ekki skrifað jólakort, ekki gert jólahreingerningar. Ég bara nenni ekki neinu af því, því að mér líður einfaldlega ekki eins og það séu að koma jól.
Býst sterklega við því að þessi blessaði 13 stigi hiti hér á bæ sé eitthvað sem spilar þar inn í.

En svona er það, og lítið sem ég get við því gert. Bið bara til Guðs að það verði snjór meðan ég verð á Klakanum!

Obbobbobb... þá kom smá rembingshljóð og síðan gaus upp þessi svakalega lykt. Vissara að fara að sinna því!

Leiter

Undur strokleðursins!

2006-11-28T18:37:00.000Z

Í gær tók ég smá powernap uppi í sófa meðan Martin eldaði kvöldmatinn. Þegar ég svo vaknaði og byrjaði að gæða mér á herlegheitunum, þá kitlaði mig svo agalega í puttana að ég hreinlega gat ekki beitt hníf og gaffli, og þurfti þess vegna að bíða dágóða stund þar til allt var komið í eðlilegar horfur.

Hérna í gamla daga þá átti ég það til að fá þetta "puttakitl" ansi oft. Ég get nú ekki sagt að ég hræðist það, en afturámóti er þetta alveg afskaplega óþægilegt þegar ég þarf að beita höndunum eitthvað.

Sem var akkúrat það sem gerðist einn góðan veðurdag í grunnskóla:
Það var nefnilega þannig að við vorum í stafsetningartíma og hann fór þannig fram að Erna umsjónarkennari las upp einhvern textabút og við hin skrifuðum niður eftir henni.
Nema hvað, að þá gerðist það að ofannefnt átti sér stað, og ég hreinlega gat ekki haldið almennilega utan um blýantinn og þarafleiðandi skrifaði ég eins og einn 5 ára með parkinsons!
Í lok tímans þá áttum við að skila stílunum og fara út í frímínútur. En mér fannst það alveg út í hött að afhenda minn í þessu ástandi og skrifaði því skilaboð til Ernu kennara neðst á síðuna:
"P.s: Afsakaðu hvað ég skrifaði illa, en mig kitlaði bara svo í fingurgómana!!!"

Að sjálfsögðu - að SJÁLFSÖGÐU - þá gerðist það að einhver af bekkjarfélögum mínum sá þessi skilaboð meðan verið var að safna saman stílunum, og gerði viðkomandi - í beinu framhaldi af því - óóóspart grín af greyið mér!!!

Guðrún vinkona, hafði legið heima með flensuna dagana áður, og fékk af því tilefni að vera inni í frímínútum þennan daginn.
Algjörlega DESPERAT hljóp ég til hennar meðan bekkurinn klæddi sig í útijakkana og þyrptist út, og bað hana plís - ó plís - að stelast í frímínútunum til að finna minn stíl og stroka út þessi lokaorð.
Guðrún, engillinn sem hún var (og er), var auðvitað ekki alveg á því að fara að gramsa í eigum kennarans - en þegar ég sagði henni að þetta væri matter of life or death þá sló hún að lokum til og sammþykkti.

Svo, 3 mínútum seinna, læddist hún um gólf með strokleðrið sitt ... og framkvæmdi!!!!

Já, þegar maður gerir asnalega hluti - og þá er sko gott að eiga góða vini sem leiðrétta þá fyrir mann!!!

2006-11-19T19:23:00.000Z

Eftir góða vísbendingu frá tveimur ágætum mönnum (Óla og Narfa), þá hef ég loksins fundið búð sem selur þetta hér í Holbæk.

Það er alls ekki eins gott og heima, og það er aðeins úr tveimur tegundum að velja. En samt...!

Það þýðir bara að ég er einu skrefi nær í baráttu minni að fá Álfheimaísinn til Danmerkur!!!

---

Við Martin höfum verið alveg einstaklega heppin með litlu prinsessuna okkar. Það hefur hreint ekki verið neitt vesen með hana, overhoved! Hún fékk aldrei í magann, byrjaði strax á fyrstu viku að sofa út alla nóttina, hún grætur lítið, hlær mikið, og er bara almennt alveg yndisleg! Ég get bara alllls ekki vogað mér að kvarta, whatsoever - og ég hef í rauninni ekki hugsað mér það.

En það breytir því ekki að mér verður oft hugsað til foreldra minna og ég hreinlega verð að dást að dugnaði þeirra að hafa alið upp tvíbura! Því jafn auðveld og Bellan mín er, þá neita ég því ekki að það er töluverð vinna að ala upp svona smábarn - og þarafleiðandi hlýtur það að vera eins og að taka tvöfalda vakt - þegar maður er með tvö!!!

En Hetjuverðlaunin 2006 ganga samt, tvímælalaust, til danskra bakaríisstúlkna. Þegar við Isabella vorum í okkar daglega göngutúr hérna fyrir helgi, þá flaug framhjá mér eitt skærgult vespukvikindi!
Það er kominn rúmur miður Nóvember, og þessi bölvun hvílir enn yfir Danmörku!!! Ótrúlegt!!!!!!
Þið getið þess vegna rétt ímyndað ykkur hvernig ástandið var í sumar: sumarið 2006 sem þekktist sem versta vespuár í margar aldir.
Það þarf sko sterkar taugar og svaðalega sjálfstjórn að vinna innan um ofursætabrauð í vibbahita, á slíkum tímum.

Já - alveg grínlaust - þá hef ég new found respect fyrir þessum dömum.

Hipp hipp - húrra!

En jæja, er farin gæða mér á vöfflum og vanilluís
Leiter....

p.s komnar nýjar myndir á barnalandssíðuna

2006-11-14T21:12:00.000Z

Við Martin tókum - hér í gamla daga - góða rispu af ansi skemmtilegum rökræðum. Nýverið lá leið þeirra aftur á ný upp á yfirborðið...

Málið snýst um eftirfarandi:
Í fyrradag skrapp ég út í búð til að kaupa butterdeig,- og butterdeig aðeins. Það kostaði nákvæmlega 8,95 dkr og af þeim sökum þá borgaði ég með klinki - heilum 9 dkr.
Nema hvað, að svo stend ég þarna við kassann með butterdegið, og brosi til kassadömunnar þegar hún réttir mér kvittunina - en innst inni þá kallaði ég hana "svín" - því að hún rétti mér ekkert meira!

Glöggir menn átta sig á því, að í þessu tilfelli hefði ég átt að sjálfsögðu átt að fá kvittunina OG 5 aura til baka. En hinsvegar í Danmörku er ekkert til sem heitir 5 aurar! Það eru til 50 aurar, og það eru til 25 aurar... en það er allt og sumt í þeirri deild.

Well... nú hef ég aldrei getað talist nánös - og ef eitthvað - þá er ég akkúrat öfugt. Þarafleiðandi gæti mér ekki verið meira sama um þessa 5 aura. Ekki einu sinni þótt þetta hefðu verið heilir 25 aurar!!!
Málið er bara það, leidís and jeinkúlmen... að þetta snýst allt um prinsip. PRINSIP! Ef vara kostar ákveðna upphæð, kúnninn borgar verðið og rúmlega það - þá fær hann mismuninn til baka! Simple as that! Ef ég versla í Hagkaup fyrir 1999 kr, og borga með 2000, þá fæ ég 1 kr til baka. Hún hjálpar mér lítið til lengdar, þessi eina króna, en ég fæ hana samt til baka.
Martin svarar og segir að það sé ekki hægt að gefa eitthvað til baka, sem ekki er til. Í dönsku fjármálakerfi er ekkert til sem heitir 5 aurar, og þess vegna - fyrir hverja vöru sem kostar x,95 dkr - þá virðast s.s þessir 5 afgangsaurar magically disappear! (Ætli þeir renni ekki allir saman í kjólasjóð Mary Donaldson).

Martin segir að þetta sé bara svona þegar er borgað með pening. Ef ég hefði látið taka þetta útaf korti, þá hefði verið tekið 8,95 og ekki aurlingi meira.
Hann kallar þetta business-sölutrikk - ég kalla þetta rán!
RÁN, segi ég!

Kannski ekki furða að Danir skori allra lægst út úr stærðfræði í samræmdu prófunum!!!!

2006-11-07T18:45:00.000Z

Sökum elli, þá er í skítahúsinu okkar hvergi að finna innstungur fyrir þvottavélar. Afturámóti er að finna, á jarðhæðinni, svokallað þvottaherbergi. Þangað niður þarf ég að dröslast á hverjum degi með fulla Ikea margnota-poka af drullugum fötum í annarri, þvottaefni og mýkingarefni í hinni, og ef illa stendur á prinsessunni minni, þá fær hún að fljóta með líka.

Og svo upp aftur!

Það er sjálfsagt til margt verra en þetta, og ég get svosum alveg lifað með þessu ..... þar til þvottavélin er búin að þvo!

Það er nefnilega þannig að innvolsið í þessu blessaða þvottaherbergi er ekki beint samsett úr gæðavörum og er þvottavélin svona gígantísk, eldrauð og einkar gömul industrial-vél, sem líkist við fyrstu sín einhverju sem hefur verið bjargað af sjávarbotni.
Þar sem er farið að síga á seinni hluta æviskeiðs vélar þeirrar, þá inniheldur hún ekki allar þær functions sem er að finna á langflestum nýmóðins vélum. Eitt af því helst stendur uppúr er fyrirbæri sem kallast centrifug (ég held það sé "þeytivinda" á íslensku). Þetta er s.s sá hluti sjálfs þvottsins þar sem að öllum rennblauta klæðnanum er þeytt eins og brjáluðum í þeim tilgangi að vinda hann duglega.

Hinsvegar í mínu blessaða þvottaherbergi stendur þessi þeytivinda sem sér fyrirbæri við hliðina á sjálfri þvottavélinni. Hún er einstaklega stór (næstum jafnstór og meðal ísskápur) og fyrirferðamikil elska, klædd járnklæðnaði, ekki þægileg fyrir augað og minnir allra helst á skólprör á sterum.

Mamma hans Martins sagði mér, áður en ég byrjaði að þvo í þessu herbergi, að ég yrði alltaf að fara ofsalega varlega þegar ég höndlaði þessa þeytivindu. Það væru nefnilega til dæmi um það að fólk hefði misst handlegg á að dýfa sér þarna ofaní,- og þess vegna yrði ég að passa mig rosalega vel að opna ALDREI lokið fyrr en allt væri búið - basta!

Það þarf varla að taka það fram, að það var með miklum vara sem ég stóð þarna við vinduna í fyrsta sinn og stappaði rennblautum þvottinum ofan í kvikindið. Með Isabellu í annarri hendinni, tróð ég hárinu mínu duglega ofan í hálsakotið á bolnum mínum, svo að það myndi alveg örugglega ekki festast í meðan leikar stæðu sem hæstir, og þarafleiðandi svo hausinn á mér myndi fjúka af. Kvíðin pressa ég lokinu niður og ýti á start og stend svo yfir vélinni í nokkrar sekúndur til að athuga hvort hún fari ekki af stað.

Og hún fór sko af stað, already!!!

Þvílíkir skruðningar, skal ég ykkur segja. Steraskólprörið byrjaði svoleiðis að nötra og sjálfa - sem og allt annað þarna inni í þvottaherberginu - og ég var viss um að lokið myndi poppa af og þeytast í gegnum herbergið eins og frisbee og skera mig á stóra bláæð - meðan restin af tækinu myndi leysast upp í frumeindir í gríðarlegri sprengingu og festast í mér allri eins og furunálar!
Ég sá þetta allt saman fyrir mér í Morgunblaðinu: fyrirsögnina, myndina og greinina!
Isabella greyið stirnaði öll upp og leit á mig í slefandi undrun, og án frekari pælinga þá hljóp ég eins og vitlaus manneskja fram á gang og alla leiðina út í andyri á blokkinni, og stóð og skýldi okkur báðu fyrir yfirvofandi sprengingunni!!!

Nema hvað, að það kemur kannski engum á óvart að ég lifði þessi ósköp af án frekari vandræða. In fact, þá róaðist nú vindan allsvakalega eftir nokkrar sekúndur og vatt svona líka bara rólega það sem eftir lifði (einhverjar 6 mínútur).
En það breytir því nú ekki að í hvert eitt og einasta skipti sem ég þarf að nota kvikindið, þá finnst mér sem himinn og jörð séu að fara að skella saman og ég er viss um að viðkomandi dagur verði minn seinasti.

Ég hef nú lært að taka þetta allt saman í sátt (eftir sérstaklega mörg sálfræði-session hjá Dr. Martini Larsen) og þetta kennir mér að meta það sem ég mun fá í nýja húsinu.

En ég hef líka lært annað: hætturnar leynast í hverju horni - og þó svo að maður verði ekki sprengdur í loft upp af múslima, þá þýðir það ekki að maður verði aldrei sprengdur í loft upp!!!!!!!!!!!

2006-11-02T21:29:00.000Z

Ég er búin að vera að prófa soldið nýtt og HORRIBLE þessa dagana. Við Martin höfum ákveðið að reyna að venja Isabellu á að sofna sjálf í rúminu sínu. Við höfum nefnilega alltaf svæft hana í fanginu, með því að labba með hana um húsið, syngja fyrir hana og hossa henni.
En við sjáum fram á það að ef að við förum ekki að byrja að venja hana af þessu hvað úr hverju, þá verður það erfiðara með hverjum mánuðinum sem líður, .. og fyrr en varir þá er hún orðin sjálfráða, komin í eigin íbúð, og við Martin erum enn að ganga með hana um gólf með sinnhvorn fótinn hennar í fanginu og hendurnar danglandi yfir bak eins og ruslapoka!!!

Og ég skal sko bara segja ykkur að þetta er algjör tortúr! Ég kom hérna hágrenjandi fram í stofu til Martins fyrsta kvöldið sem við reyndum þetta - algjörlega búin á því í sálinni - nánast með ekka, og lofaði sjálfri mér að gera þetta aldrei aftur.
En því miður, þá verð ég að bíta þetta í mig og halda áfram að reyna!

Þetta hefur reyndar verið að ganga aðeins betur og greinilegt að daman er - hægt og rólega - að læra how things are done in this house!
Hún kemst reyndar langt á þrjóskunni; hamast og hamast við að kreista út úr sér einhvern aumingjagrátur, meðan hún hástatt nuddar augun og nefið, spriklar sængina ofanaf sér, fleygir útúr sér snuðinu og byltir hausnum hægri vinstri. Það kæmi mér svosum ekki á óvart þótt að við gæfumst upp og létum undan, á undan henni.

En já, svona er nú það, lömbin góð
Og þar til næst,... þá kveð ég

2006-10-28T07:20:00.000Z

Ég er alveg að verða sturluð! Hef verið að hamast við að uppfæra þessa barnalandssíðu, og ég hef bara aldrei vitað annað eins!

Ég hef aldrei, ALDREI á ævinni notað síðu sem er jafn illa skipulögð og uppsett. ALDREI!
Nú hef ég lært soldið um heimasíðugerð og mikilvægi þess sem kallast INTERACTION DESIGN. Það er s.s sá hluti sem snýr að notanda vefsíðunnar og hvernig hann interactar við hana.
Ég er að segja ykkur það, að það hvernig þessi heimasíða er byggð upp meikar akkúrat ekkert sens og hún fengi alveg allra lægstu einkunn í þeirri deild. Til að byrja með varð ég að klikka á alla mögulega linka, fram og til baka, til þess að finna það sem ég var að leita að. Myndaalbúmið horror, og fyrir utan það að taka FOREVER að uploada myndum, þá eru valmöguleikarnir og uppsetningin þar að gera mig gráhærða!
Og svo finnst mér bara overall heildarlúkkið á þessari síðu vera afskaplega amateur og alls ekki bendi til þess að professional heimasíðugerðarmaður eða forritari hafi verið fenginn til þess. Kommon,... er ekki kominn tími til að uppfæra þessa síðu; ég veit ekki betur en að eigendurnir séu búnir að græða allsvakalega á þessu concepti, og ef þeir vilja halda sínum kúnnum (eða bæta við sig) þá held ég að það sé vissara fyrir þá að nota eitthvað af þeim fjármunum í að betrumbæta þessa blessuðu síðu og gera hana, þó ekki væri nema öööörlítiið meira, userfriendly!

Það er svona aðallega þess vegna sem að það tekur svona langan tíma að koma þessari síðu í stand, ég biðst forláts; ég er að hamast við reyna!

En ég má ekki vera að þessari rugli, er að uploada myndum eins og vitlaus manneskja milli þess sem ég sinni litli músu. Martin fær að sofa út alveg eins og hann getur í dag; karlanginn, alveg búinn á því eftir margar vikur af endalausri vinnu, æfingum og þjálfun - og ekki mikið meira en 5-6 tíma svefn að meðaltali hverja nótt!

Og svo mörg voru þau orð
veriði sæl!

2006-10-24T23:45:00.000Z

Eftir endalausar áskoranir, umbeiðnir, fyrirspurnir og hvatningar, þá hef ég - gegn eigin vilja - ákveðið að stofna barnalandssíðu.

Lykilorðið er EKKI það sama og var á hinar myndasíðurnar, en vísbending er gefin neðst á forsíðunni. Þið sem að hafið ekki grænan og eruð engu nær verðið hreinlega að senda mér tölvupóst aftur :S

Nota bene: Síðan er enn í vinnslu svo að það er samasem ekkert komið á hana ennþá. En vinsamlegast .. show some understanding... þetta kemur allt áður en ég gifti mig!

Verð að stökkva upp í rúm, er búin að vera ALLTOF lengi að leika mér með þessa forsíðumynd.
Megiði öll lifa vel og lengi
Amen

2006-10-24T07:57:00.000Z

Þá eru liðnir heilir 10 dagar síðan ég bloggaði seinast, og ástæðan er einföld: hér hjá mér hafa verið 2 yndislegir gestir, og við höfum átt yndislegar stundir.

Introducing: Guðrún & Guðrún!

Dömurnar komu s.s báðar á fimmtudeginum og var ýmislegt brallað,- var það að stærstum hluta eitthvað sem hafði í för með sér GPS tækið góða (Jane Edmonds), vinstribeygjur, innakstur yfir á bannaða staði, ökuferðir til Köben, ökuferðir frá Köben, bakaríisöfund, hláturskast, Happy Family myndatöku, nauðgunarljós, morðhús, "Be aware" - aðvörun, Big Red, Gunnugrysju, 5 ára ís og sósuklístur, Ray Machintosh, Guðrúnu í runna, epli í hári, kolaÓpal, óveður, "Má ég sjá!? Má ég sjá!? Má ég sjá!?"- æsing í Guðrúnu, og svo síðast en ekki síst H&M (og samsvarandi erfiðar ákvarðanir, 15 kg af fötum á handlegg, endalausar mátanir, stöðugan pirring á of góðu úrvali og peningaeyðslu)!!!

Takk fyrir mig, elsku stelpur! Þessi heimsókn var vægast sagt snilld!!!

Nú eru ekki nema 28 dagar í að næstu gestir láta sjá sig; mínir yndislegu foreldrar,-og ég get hreinlega ekki beðið eftir að taka svipaða syrpu með þeim!

Það verður þó ekki logið um það að ég er gjörsamlega úrvinda af þreytu og get ekki beðið eftir að dóttir mín taki til þess ráðs að fá sér blund, því að ég mun sko stelast til þess að fá mér einn álíka með henni.
En þangað til, þá verð ég víst að nýta tímann og byrja að taka til í íbúðinni. Það er sko alveg ótrúlegt hvað 2 svona penar stelpur geta draslað mikið til ;)

Neiiii, ég segi svona...

2006-10-14T20:57:00.000Z

Bara fyrir Albert.....

2006-10-13T21:57:00.000Z

Oh Lord!
Hver man ekki eftir þessu???
Ég sé bara fyrir mér laugardagsmorgna á Háaleitisbrautinni!

2006-10-12T12:04:00.000Z

Er búin að fleygja inn fleiri myndum, frá September og Október. Þær eru hér og það er sama lykilorð og var á skírnarmyndirnar.

Gleymdi alltaf að segja ykkur frá því sem gerðist í dönsku skírnarveislunni okkar. Hún var s.s haldin hérna seinasta laugardag, eða þ.e.a.s viku eftir skírnina á Íslandi. Martin hafði pantað köku 5 dögum áður, og svo þegar að hann mætir í bakaríið kl. 11.30 að ná í kvikindið, þá var það ekki tilbúið! In fact, það var bara engin kaka at all!!!! Þá hafði afgreiðslugellan sem tók pöntunina gleymt að setja hana inn í möppuna fyrir bakarana, og þennan daginn voru allir bakararnir farnir heim.
Veislan okkar átti að byrja kl. 13, svo að þá var illt í efni. Fólkið margbaðst afsökunar og sagðist ætla að redda þessu og skutla svo tertunni til okkar um leið og hún yrði tilbúin.

Nema hvað að rétt fyrir kl. 14, þá mæta þau í veisluna með kökuna. Og ekki bara var hún ÓGEÐSELGA flott gerð og algjerlega ókeypis, heldur fengum við líka risa RISA blómvönd og 500 króna gjafakort (s.s rúmar 5000 íslenskar krónur) í bakaríið!!!

Now, that is what I call to make up for your mistakes!!! Alveg hreint magnað!
Ég sé Bakarameistarann í anda gera slíkt hið sama.
Ætli þau hefðu ekki gefið 15% afslátt af kökunni og látið eina kleinu fylgja með!!!

Veislugestunum fannst þetta alveg magnað, og sérstaklega móðursystur Martins, sem hreinlega hætti ekki að tala um það að við ættum að skrifa í neytendadálk Extra Bladets og lýsa aðdáun okkar á þessum atburðum!!!
Þrátt fyrir ágætis hugmynd þá höfum við ekki enn látið verða af því,- en það fylgir hinsvegar ekki sögunni hvort að hún hafi tekið málin í sínar hendur og ávarpað alþjóð gegnum Morgunblaðið.

Og þar hafiði það
meiri tími gefst ekki í bili
tataa

2006-10-11T08:35:00.000Z

Jæja, þá er ég heldur betur búin að upplifa eitthvað sem ekki var á dagskránni!!!

Ja, það var nefnilega þannig, að núna seinasta föstudag, þá var haldinn einhver svaka fundur í vinnunni hans Martins, með 700 starfsmönnum og aðal AÐAL yfirmanninum. Þetta fór allt fram í einhverju leikhúsi í miðbæ Kaupmannahafnar og dagskráin stóð frá klukkan 9 um morguninn og til kl 23 um kvöldið, með innifaldar veitingar, drykki og aðeins sterkari drykki. Af þeim ástæðum, þá skyldi hann bílinn eftir hér í hlaði og sagði mér að mér væri frjálst að nota hann nákvæmlega eins og ég vildi.

Nema hvað, að ég ákvað að grípa tækifærið og skella mér inn til Field's, sem er stærsta verslunarmiðstöð Norðurlandanna.
Málið er hinsvegar það að ég hef aldrei keyrt í miðbæ Köben; það er alltof mikill hraði og stress og ég veit að ég get ekki höndlað það. En þar sem að Field's er staðsett fyrir utan allt það vesen, og maður þarf pretty much bara að fylgja hraðbrautinni beina leið hér frá Holbæk og þangað úteftir, þá ákvað ég að slá til. Fyrir utan það að þetta er nákvæmlega sama leið og maður keyrir þegar maður keyrir út á Kastrup, og þá leið hef ég keyrt 2 sinnum alveg sjálf,... þannig að ég ákvað að slá til og skella mér í smá mini-verslunarleiðangur.

Ohh well, nema hvað, og til að gera langa sögu stutta, þá gerðist það þegar ég var NÆSTUM komin á leiðarenda, að ég var hægra megin á hraðbrautinni og áður en ég vissi af þá hafði gatan skipt sér í tvennt og ég var skyndilega á leiðinni niður í Köbenhavn-centrum. O boj!!! Og allt saman gerðist þetta náttúrulega svo hratt, að þó svo að ég hafi vel vitað að ég var á vitlausri leið (á leið til Helvítis!!!) þá gat ég akkúrat EKKERT gert í því og varð bara að halda áfram að keyra.

Ég skal sko bara segja ykkur það að ég titraði svo mikið að ég ætlaði varla að hitta á kúplinguna. Ég ákvað að elta bara bílinn fyrir framan mig, en það klikkaði að sjálfsögðu einhversstaðar á leiðinni þegar hann tók skyndiákvörðun og beygði einhvert allt annað á seinustu sekúndu. Ihhhh... stressssss!
Þannig að, allt í allt keyrði ég s.s þarna um miðbæinn í næstum 2 klukkutíma og leitaði að leið út. Stoppaði í sjoppu sem ég fann og spurði til vegar, en gaurinn vissi náttúrulega ekki neitt í sinn haus (enda Tyrkjahel"&#%$) og gat ekki hjálpað.
Martin gat heldur ekki bjargað mér, því að hann var á þessum svaka mikilvæga fundi og svaraði ekki einu sinni í símann. Isabella, sem hafði sofið alla leiðina frá Holbæk, þurfti að sjálfsögðu að vakna um það bil AKKÚRAT þegar ég keyrði vitlaust og hún tók þarna nokkur vel valin grátköst. Síðan byrjaði úrhellisrigning og þá varð ég enn stressaðari að keyra um. Og svo til að toppa allt saman þá var ég gjersamlega í SPRENG!

Ohhh, well... þetta endaði allt með því að ég fann hraðbrautina á ný og ég s.s keyrði áleiðis til Holbæk aftur, eftir vægast sagt ansi skemmtilega Field's ferð!!!!!

Það er sko mikið búið að gera grín að þessu í fjölskyldunni hans Martins, og sérstaklega pabbi hans gerir í að minnast á þetta:
"Heyrðu, Erna! Hefurðu heyrt þetta með lögregluna í Köben????"
"Nei, hvað?"
"Æji, þeir eru víst að lýsa eftir einhverri ljóshærðri stelpu þar sem bara keyrir um, hring eftir hring..."

"Hvað segirðu, Erna,... hefurðu skroppið eitthvað til Köben nýlega???"

Mamma hans reyndar hrósar mér hástatt. Hún hefur búið hérna í Holbæk allt sitt líf, en hún hefur ekki svo mikið sem einu sinni keyrt til Köben, svo að eins og hún sér það þá er þetta þvílíkt afrek.
Og ég er sammála!!!!

En jæja, svo mörg voru þau orð
Það eru komnar inn myndir frá skírninni hennar Isabellu Eyju hér
Ef þið viljið fá lykilorðið, þá bara sendið mér e-mail á erna_sig@hotmail.com

Until we meet again,....

2006-10-05T07:25:00.000Z

Þrátt fyrir að vera farin að nálgast þrítugsaldurinn, þá barst í gær umræðan á þessu heimili að hori. Eins viðurstyggilegt og það er, þá eru alltaf einstaklingar í hverju samfélagi sem að, án frekari vandkvæða, veiða það.... og éta það!
Hvernig stendur á því???

---

Annars erum við Larsen-in aftur mætt til fyrirheitna landsins, eftir YNDSLEGA tíð á Fróni. Ef það hefur farið framhjá einhverjum, þá s.s var daman skírð þar uppfrá og fékk hið margumrædda íslenska millinafn. Það endaði nefnilega þannig að Martin fékk sínu fram, og það nafn sem að hann hafði barist fyrir með kjafti, klóm og tönnum, var á endanum valið: Isabella Eyja Larsen - God dag mine damer og herrer!

Ég er himinlifandi yfir því að geta loksins LOKSINS farið út að labba með barnavagninn án þess að vera sífellt að engjast um af hræðslu og stökkva til hliðar og út á götu 10. hverju sekúndu. Ástæðan er nefnilega sú að núna er sumarveðrið búið að sigla sinn sjó, hitinn hefur dottið niður um góðar 10-15 gráður, rigningin er tíður gestur, og allt það þýðir það að vespuhelvítin eru loksins LOKSINS að drepast,-og vona ég - borðleggjandi - að sá dauðdagi verði þeim hægur og sársaukafull!

En sem fyrr, þá er ein lítil að kalla
later,
Larsen

2006-09-26T09:54:00.000Z

Jæja, þá er maður mættur á Klakann, og alveg heilum 5 dögum fyrir tilkynntan komutíma.

Sagði nefnilega engum, - nema pabba - að ég myndi í rauninni lenda þriðjudaginn 19. sept, en ekki laugardaginn 23. .. eins og ég var búin að skrifa hérna inn á bloggið.
Er búin að skemmta mér konunglega yfir útkomunni, en það var samt EKKERT sem toppaði viðbrögðin hennar mömmu!

Annars er ég búin að vera svo ofsalega busy (svona mostly við að háma í mig ís) að ég hef hreinlega ekki mátt vera að því að blogga.
Og í þeim töluðu orðum kallar daman, svo að ég verð að stökkva aftur.

Langar samt, svona rétt í lokin, að deila með ykkur einni pælingu: Núna er ég alveg trylltur PRISON BREAK-fan.
Lengi vel hef ég velt því fyrir mér hvern Maricruz, kærastan hans Sucre, minnti mig á. Það var svo ekki fyrr en ég kom til Íslandsins og horfði á Kastljós að ég áttaði mig á því að hún er dökkhærð útgáfa af Ragnhildi Steinunni, fyrrverandi fegurðardrottningu!

Þær eru NÁKVÆMLEGA eins!
Am I right, or am I right??

Later...

6 dagar...

2006-09-17T19:20:00.000Z

Kræst!
Ég sagði ykkur að nýi páfinn væri hálfviti. Ég gleymi ekki framsendum ummælum hans þegar hann hafði nýtekið við hattinum af Jóa kallinum, þar sem að hann hneykslaði hverja minnihlutahópa almúgans á fætur öðrum.
Núna hefur hann gengið einu skrefi lengra og móðgað múslima!
People! Maður reitir ekki þá skrattakolla til reiði!!! Bara alls ekki! Maður lætur þá algjerlega afskiptalaus og þá kannski,... KANNSKI...lifir maður framyfir fimmtugt!

Já nei, hann gengur nú ekki alveg heill til skógar, þessi blessaði páfi, og maður þarf nú ekki að hafa háskólagráðu til að sjá fyrir sér afleiðingar þessa ummæla hans.
Vona bara að þetta kenni kirkjunnar mönnum að velja betur næst!

---

Ég er að fara með litlu dömuna í fyrstu sprautuna sína á morgun, og ég DAUÐkvíði fyrir því. Það versta er að ég verð ein,- sem þýðir að ég get ekki sagt við Martin: "Ég get ekki horft á þetta, ég ætla fram á meðan!" :(
Þetta verður eitthvað spennandi og gaman að sjá hvort að hún hefur erft skap móður sinnar eða jafnaðargeð föður síns!

Ohh well,.. fátt meira af þessum bæ að frétta
kveðjur í bili
tataa

11 dagar...

2006-09-12T18:14:00.000Z

Kæru velunnarar, ... sem og aðrir menn!

Ég uppgötvaði það skyndilega í dag að ég gleymdi alltaf að tilkynna ykkur það að ég það er komin dagsetning á heimkomu okkar mæðgna og hljóðar hún uppá laugardaginn 23. Það segir mér að það séu aðeins 11 dagar í herlegheitin, og ekkert nema gott um það að segja!

Annars er bara allt fínt að frétta af okkur Larsen-um. Isabella er búin að jafna sig á kvefinu og er orðin hressari en nokkru sinni áður, gerir fátt annað að brosa og hlæja.
Hins vegar nældum við Martin okkur í sömu bölvuðu flensu og erum bæði svona að stíga upp úr kvikindinu.

Það er skemmst frá því að segja, að mitt í öllum þessum veikindum þá lentum við í svaðalegum eltingaleik við stærðarinnar könguló. Alltaf þegar við reyndum að veiða hana, þá stökk hún svo hratt til hliðar að við hreinlega mistum sjónar af henni og urðum að láta gott heita í bili. Svo fundum hana alltaf af tilviljun daginn eftir, einhversstaðar allt allt annarstaðar í húsinu!
Nú! - ég er ekki og hef aldrei verið hrædd við köngulær. Afturámóti er ég enginn brjálaður fan heldur, sérstaklega ekki þegar tekið er mið af þeirri staðreynd að fólk gleypir að meðaltali 8 köngulær í svefni, á ári!!!
Og ekki batnar það heldur þegar við maður veit að þær eru á vappi um íbúðina á sama tíma og við hin liggjum og sofum uppi í rúmi,- og sökum flensu - öndum með munninm!

Ohh well,.. allt saman endaði þetta vel, og dýrið var drepið eftirum 5 daga hide and seek!

En jæja kæru vinir
þarf að fara að svæfa eina þreytta
leirahh

2006-09-06T18:50:00.000Z

:(

Litla músin mín er veik!
Og ég skal sko segja ykkur það að það er óbjóður að horfa uppá barnið sitt í slíku ástandi.

Sem betur fer, þá er þetta ekkert alvarlegt og hún grætur sko ekki af sársauka. En hún er með kvef, svo að annað slagið þá rennur tár úr stífluðum augunum hennar, hún hóstar og hóstar og hnerrar og hnerrar. Við Martin ákváðum að skella okkur uppá læknavakt í gærkvöldi.. bara svona til vonar og vara! Lugum því að dömunni í símanum að hún væri með hita, því að við höfðum fengið að vita það að ef að ungabörn eru hitalaus, þá eru þau víst ekki meðhöndluð svona á læknavöktum.

Það kom svo í ljós að hún er með vægan vott af lungnabólgu í hægra lunga. En eins og ég segi... dömunni líður bara eftir aðstæðum ágætlega, og er aðallega bara slöpp, með stíflaðan nebba og hóstar, en að öðru leiti er hún svosum ágæt.

--

Það kemur ykkur, sem lestið bloggið mitt, varla á óvart þegar ég segi að ég elski mat. Ég ELSKA MAT!!
Þó ekki allan mat, og má til dæmis segja frá því að ég hef lengi gert grín og hneykslast að Dönum sem vilja fleygja öllu ofaná rúgbrauð.

Þar er hins vegar skemmst frá því að segja að skyndilega er ég orðin big fan sjálf,... og mig hreinlega dreymir um það marga drauma að skella mér í hverju hádegi yfir til slátrarans - sem býr um 47 sekúndum frá okkar húsi - og kaupa mér ferskar og nýbakaðar frikadellur og fiskefilet sem ég svo proppa ofan á smurt, gróft rúgbrauð,... og eins og góðum Dana sæmir: borða með hnífi og gaffli.

Og á þeim nótunum get ég varpað fram tilkynningu #1: Ég hef, held ég, framan af minni ævi aldrei framið neitt sem að kallast getur glæpur. Ég hef svosum gert margt kjánalegt, en ekki neitt sem krefst viðverðu bakvið lás og slá.
Aftur á móti get ég líka tilkynnt ykkur það að tilkynning #1 stendur ekki lengi sönn ef að þið gefið mér pakka af frönskum vöfflum!!!!!

Greinilegt að Auður þýskukennari hefur ekki náð að sannfæra mig í eitt af þeim 1000 skiptum sem að hún tilkynnti bekknum að maður ætti ekki alltaf að hugsa um magann!!!

Obbobbobb... lítill svangur sjúklingur að kalla,
leirahhh

2006-09-02T22:11:00.000Z

Úff,.. erfiður dagur að baki!

Martin var að þjálfa handboltastrákana sína á móti í Köben í dag, sem að þýðir að ég er búin að vera ein með dömuna mína. Það er nú svosum ekki frásögum færandi, - þar sem að ég er oftast ein með hana mestalla daga, - nema bara það að í dag vildi hún bara helst ekki sofa. Og hún sem að er vön að taka 3 lúra yfir daginn sem samtals eru um 6 klukkustundir, svaf í dag ekki nema kannskí allt í allt í 1 klst (5 mínútur hér, 10 mínútur þar...).
Þegar líða tók á kvöld, þá fór sko heldur betur að heyrast í minni; brosunum fækkaði og tárunum fjölgaði. Svo loksins tók hún hérna ærlegt kast rétt fyrir miðnætti og við Martin skiptumst á að labba með hana og reyna að hugga hana. Ég VEIT að þetta var af því að hún var svo þreytt, það var ekki erfitt að sjá það á henni. En af einhverjum orsökum vildi hún bara ekki sofna.

En s.s... þetta drama er allt saman á enda runnið (vonandi!) og nú sofa feðginin vært.

---

Annars erum við martin ENN að berjast um millinafnið. Við vorum komin að samkomulagi,- ... eða þ.e.a.s ég var búin að gefa mig og segja Martini að hann mætti alfarið taka þessa ákvörðun. Hann var svo búinn að velja nafn og allt í góðu með það (þó svo að ég hafi ekki verið 100% ánægð!).
Nema hvað, að þessi ákvörðun hans var bara ekki sterkari en það að hann kom til mín stuttu eftir það og tilkynnti mér að hann væri enn að velta fyrir sér hinum uppástungunum sem lagðar voru fram.

So we are back on square one!

Í gær skrifuðum við niður þau 10 nöfn sem að oftast hafa borið á góma. Síðan settum við,- hvort um sig-, nöfnin í sæti, eftir því hvað við vorum persónulega ánægðust með. Það var auðvitað þannig að allt það sem að var í efstu sætunum hjá mér var í neðstu sætunum hjá honum, og vice versa.
Síðan tókum við upp á því að í staðinn fyrir að nota sæti, að gefa einkunnir. Það gekk svona lala, en virtist samt ekki gefa neina endanlega niðurstöðu, þar sem að það voru 5 nöfn með sömu einkunn.
Tók síðan Isabellu í fangið og las upp allar uppástungur fyrir hana, með von um að hún myndi, við upplesturinn góða, sýna einhver viðbrögð sem hægt væri að túlka sem hennar áhuga. Ekki gekk það,- hún bara starði á mig undrunaraugum, slefaði eins og hundur, en að öðru leiti fékk ég ekkert svar frá henni!
Að lokum lagði ég hana fyrir framan tölvuskjáinn, með opið Word-skjalið sem innihélt allar uppástungur, og vonaðist til að hún myndi einhvern veginn benda á eða lemja í einhverja þeirra.
Ekki gekk það heldur, og daman greinilega ekki að sýna neinn samvinnuvilja!!!

IIIHHHHHhh vesen!!!!

Vorum að djóka með það í gær að þetta endar örugglega svoleiðis að við stöndum fyrir framan prestinn á Íslandi og hann segir: "Hvað á barnið að heita?" - og við Martin lítum hvort á annað og spilum ROCK, PAPER, SCISSORS til þess að gera útum dæmið!

En jæja, ég ætla að skella mér í rúmið eftir þessa rúllettu dagsins
Langar að benda ykkur á eina mynd
Og hverjum er hún svo líkust?

hasta la vista, mi amigos.

2006-08-28T06:03:00.000Z

Muahahahaha!!!!
That will teach them not to enter my territory!
---

Þá er enn ein helgin liðin.
Á laugardaginn var haldinn hinn fyrsti hittingur í nýmynduðum matarklúbb okkar multimediadesigners og maka. Það heppnaðist bara svona glimmmmrandi vel; maturinn var SKÆÐI, fólkið var enn betra, gestrisnin upp fyrir öll mörk og allt var fyrir mann gert. Við enduðum, svei mér, bara á að gista... vorum svo á fótum langt fram á nótt og vorum komin á fætur fyrir fyrsta hanagal.. þannig að í beinu framhaldi af því þá fór sunnudagurinn bara í afslöppun, og ekkert annað!
Takk fyrir mig, kæru vinir!

---
Hérna er nú búið að vera bandbrjálað veður seinust dagana... milli þess sem sólin skín. By "bandbrálað" I mean: það hafa komið ansi kreisí rigningartímabil hér af og til, og til dæmis á leiðinni heim frá matarklúbbnum í gær, þá var svo kröftug rigning á ákveðnu svæði að það var eins og við værum lent í snjóstormi og Martin varð að hægja svo mikið á bílnum að við vorum nánast stop.
Auðvitað fylgdu svo nokkrar þrumur og eldingar.. en ég hef ekkert út á þær að setja, bara spennandi þar sem að ég er ekki vön þeim, coming from Iceland. Mér finnst það meira að segja ógeðslega huggulegt og sit þess vegna æst fyrir framan veðurfréttirnar á kvöldin og vonast eftir að veðurkortin sýni fleiri grá ský og gular pílur fyrir næstu daga.
Þaaaar til að ég las textavarpið í dag, sem tilkynnti okkur það að 17 ára strákur lést um helgina eftir að eitt stykki elding lenti á honum meðan hann var úti að spila fótbolta!
IIhhh... núna er ég komin með grænar bólur út af því líka, og lengist því stöðugt listinn minn yfir þá hluti sem ég þarf að fá sálfræðihjálp við. Uhyggeligt!
Maður er hvergi óhultur, og leynast hætturnar á hverju horni - eða ef að maður býr í Danmörku: í hverjum runna (vespurnar!!!)

Annars langar mig að enda þetta blogg á að senda hamingjuóskir til Bertu fyrrverandi samspilara í Fram og Gíslanum hennar sem voru að eignast lítinn prins í gær.

Talandi um konungsborna, þá eru komnar nýjar myndir af minni prinsessu, aftast í albúmið Meira bland.

Bið ykkur vel að lifa
ADios

2006-08-21T21:10:00.000Z

Nýjar myndir!

- Erna OUT!

2006-08-19T22:42:00.000Z

Staðreynd #1: Ef það er til eitthvað sem kallast HIMNARÍKI, þá er það staður þar sem Jensens Bøfhus BBQ Spareribs eru snædd á hverju einasta kvöldi!!!
Jööööömmmmííí!

Staðreynd #2: Við Martin tókum smá póker turnament í kvöld. Ég vil ekki vera með nein leiðindi,.... en við skulum bara orða það þannig að það er ekki erfitt að sjá who's wearing the pants in this house - .... if you know what I'm saying... (know what I'm saying?)!!!

Staðreynd #3: Eins og ég hef nú stundum hneykslast yfir íslenska orðinu "fílapensill" - þá verður það að viðurkennast að sú útgáfa af fyrirbærinu er sko heilum slattanum skárri en danska útgáfan "hudorm" (húðormur)!!!!
Hvaða yfirþýðingarmanni datt í hug að samþykkja slíkan óbjóð!?!?

Staðreynd #4: Ég get ekki beðið eftir að veturinn komi!
Í dag fórum við fjöllan út að labba, og ég hljóp 2 sinnum beinustu leið út á götu þegar að vespufjandi byrjaði að troða sér óþægilega mikið inn í áruna mína!
Ef áfram heldur með þessa hræðslu, þá þarf ég í alvöru talað - grínlaust - að fara til svona kuklara sem að dáleiðir mig!

Staðreynd #5: Leidis end jeinkúlmen,... rúmið kallar sem aldrei fyrr. Og því kalli mun ég svara núna!

Bið ykkur lengi að lifa, og vel.
Góða nótt,
hilsen

2006-08-15T09:16:00.000Z

Í nótt vaknaði Martin við að ég lyfti ákaft upp á honum hendurnar og þreifaði undir, alveg á nojinu.
"Hvað ertu að gera?" spurði hann.
-"Ég man ekki hvar ég lagði hana." svara ég.
"Hana hverja?"
-"Ég man ekki hvar ég lagði Isabellu."
"Haaa?" spyr stráksgreyið, alveg í sjokki.
Svo stekk ég á fætur og hendist að rúminu hennar, kíki niður.. labba svo rólega að rúminu og segi: "...never mind!"

Get ekki sagt þessi atburður lifi ferskur í mínu minni,... mig rámar í þetta,.. en ég hef ekki græna hugmynd af hverju ég hélt að ég hefði lagt litlu músina einhverstaðar annarstaðar en í rúmið sitt.
Já! Svona getur margt skemmtilegt gerst í svefninum!

Annars ætlaði ég bara að benda ykkur á að það eru komnar nokkrar nýjar myndir.

Kveðjur að handan,
tataa.

2006-08-14T10:41:00.000Z

Díses!

Jæja, þá er internetið loksins loksins komið í lag og ég get farið að uppfæra þessa blessuðu bloggsíðu.

Við Isabella erum s.s mættar á svæðið aftur, eftir yndislega Íslands-heimsókn, sem var alltof alltof fljót að líða. Núna erum við svo búnar að kúpla okkur niður aftur og komnar inn í hina daglegu rútínu. Við Martin berjumst við að koma íbúðinni í stand hvert sinn sem daman sofnar, og þetta fer nú allt að verða reddí. Soldið sorglegt að eyða svona miklum tíma í að gera allt huggulegt í þessu pleisi, þegar það eru ca. 3 mánuðir í að máður fái hið næsta afhent.
En svona er það, og manni hefnist fyrir að vera pjattrófa!

Annars er ferðinni heitið aftur á klakann eftir rúman mánuð, og þá er ætlunin að formlega gefa stúlkukindinni nafn,.... ef við Martin getum EINHVERN TÍMANN komist að samkomulagi um hvert það mun verða.
Já, það er sko eilíf togstreita á þessu heimili... og er kannski helst mér um að kenna. Það er nefnilega þannig að í hvert sinn sem ég sting upp á einhverju, þá neitar Martin, því að hann hefur allan tímann vitað hvaða nafn hann vildi fá. Ég gefst ekki upp svo auðveldlega og held áfram að tuða og tuða,... og svo þegar kallanginn er búinn að heyra nafnið nokkuð oft, þá fer honum að líka við það og á endanum segist hann samþykkur,.. en ég átta mig hinsvegar á því að ég vil það ekki lengur!!! Og þá byrjar ballið á ný!

Ohh well, núna er allavegana komin tímapressa á okkur, svo að vonandi förum við að komast að endanlegri niðurstöðu.

Og að þeim orðum töluðum, þá held ég ég setji lokið ofan á pottinn í bili, og fari í það að hengja upp þvott.
Until we meet again,...
turilú!

Check one,... check two.....

2006-08-13T10:32:00.000Z

Kemur eitthvað?

Ég er búin að vera að hamast, seinustu daga, við að reyna að komast inn á þessa bloggsíðu, en ekkert hefur viljað virka. Sést þetta?

2006-07-29T17:39:00.000Z

Leidis end jeinkúlmen!

Bara ein stutt tilkynning: það er nefnilega þannig að mitt í öllu stressinu sem fylgir því að ferðast, þá gerðist það að ég gleymdi íslenska sím-kortinu mínu. Þarafleiðandi er ekki hægt að ná í mig í það númer sem ég gaf upp í kommentinu á seinustu færslu.
Áhugasamir geta hins vegar nálgast mig í gegnum heimasímann: 553-7797, eða jafnvel í gegnum númerið hennar Lindu syss: 865-3354.

Smell you later,...

2006-07-23T09:27:00.000Z

Ég sturlast, ég sturlast, ég sturlast!!!!!

Ef ég fengi 10 óskir, þá væri ein þeirra pottþétt sú að allur vespustofninn eins og hann leggur sig, myndi deyja út.
Fjandinn hafi það,.. þó svo að óskirnar væru ekki nema 5, þá væri hún ein af þeim!

Samkvæmt dönskum fréttamönnum, þá er þetta sumar hérna óvenju slæmt hvað þau kvikindi varðar. Ég hef alltaf verið hrædd við þennan óbjóð... og hræðslan hefur eiginlega bara aukist með árunum. Þetta sumarið er ég að fara á TAUGUM,- og ekki er ástandið betra eftir að maður drapst hérna um daginn eftir að hafa verið stunginn af einni slíkri!!!
Ég hef sjálf aldrei verið stungin af vespu (eða álíka vibbadýri), og það er kannski ein af ástæðunum fyrir því að ég er svona hyper stressuð: ég hef heyrt að þetta er ógeðslega sársaukafullt, en þar sem ég hef aldrei upplifað það sjálf þá magnast stressið. Óvissan gerir mig hræddari!

Annars er ég búin að vera ansi skrautleg hérna seinusu dagana og Martin er vægast sagt að verða brjálaður á aumingjaskapnum í mér. Hvert sinn sem eitthvað strýkst við mig, þá kippist ég við og gef frá mér einhver aukahljóð. Oftast er um að ræða hár af mínu eigin höfði, stundum eru það maurar eða mýflugur, en afar sjaldan er það eitthvað hættulegra en það.
Ég er nú samt alveg á varðbergi,.. enda kannski vissara. Heyrði viðbjóðslegt suð um daginn og þá stefndi bara þessi MEGA hunangsfluga í áttina til mín og flögraði fyrir ofan magann minn þar sem ég sat í mínum mestu hægindum í stól úti í garði og naut morgunkaffisins. Þvílíkt ógeð!!! Hún var svo þung og hlussuleg að hún gat greinilega ekki flogið eins og flugur flestar og varð þess vegna að sveima um með búkinn í lóðrétti stellingu. Ég þorði ekki að hreyfa mig af ótta við að rekast í hana. En ég gat heldur ekki setið þarna bara og beðið eftir að hún settist á mig. Svo að, að sjálfsögðu þá stökk ég á fætur og hljóp öskrandi um allan garðinn.
Þá er nú skárra að lenda í svona atviki þegar það er einhver heima sem getur hlegið að þessu með manni,- eftirá. En ég var ein - aaaalein - og gat þess vegna lítið annað gert en bara bíða eftir að skjálftinn í höndunum á mér gengi yfir svo ég gæti haldið áfram að sötra kaffið.

Daginn eftir var ég úti að labba með Isabellu. Þá heyrðu ég aftur eitthvað suð. Í örvæntingu minni þá ákvað ég að forða mér frá helvítinu og stökk þess vegna í mótstæða átt. Það vildi ekki betur til en svo að sú átt var einmitt út á götu. Mér til mikillar hamingju þá kom enginn bíll,- ég missti nefnilega uppáhalds uppáhalds sólgleraugun mín á götuna!
Við skulum nú bara orða það þannig að ef þau hefðu lenti undir einhverju farartækinu
þá væri nú einni vespunni minna hér á jörð!

Eníhú, ég held ég reyni að nýta tímann meðan lillemús er sofandi
Sjáumst um helgina,´
heidilíhó

2006-07-16T21:45:00.000Z

Jæja, tha erum vid komin á Sjálandid,- komin til ad vera.
Flutningarnir gengu eins og í søgu: vid leigdum flutningabíl sem ad vid keyrdum sjálf. Tók ekki nema um 3 og hálfan tíma,... happy happy joy joy!
Erum svona í thví ad taka upp úr tøskunum og koma okkur fyrir, en thad gerist bar rólega thví ad vid munum búa heima hjá tengdó meadn thau eru í fríi á Ítalíu.

Langadi bara rétt ad láta vita af mér og ég kem med meira krassandi færslu um leid og tími gefst.
Akkúrat núna er ein lítil ad væla svo ad ég verd ad støkkva

SO long,...

2006-07-05T19:44:00.000Z

æjæjæjj!
Ef ég væri ráðherra, þá væri ég löngu búin að leggja fram frumvarp sem bannar öllum mönnum að klæðast hnésíðum, heimaklipptum gallabuxum,- .... og sérstaklega ef að buxurnar eru klórþvegnar, níðþröngar, girtar upp garnir.. og viðkomandi maður er ber að ofan!

Sá ofangreinda týpu í strætóskýli um daginn,.. og mér bókstaflega blöskraði!!!

Annars ætlaði ég bara að segja að það eru komnar nýjar myndir

That´s all folks,
heidilíhó!

2006-07-04T19:26:00.000Z

Kæru landsmenn!

Þá er daman aftur mætt á Jótlandið. Fór í stutta helgarferð yfir til tengdó í Holbæk,- ástæðan var sú að Martin varð einu árinu eldri á laugardaginn.
Þessi ferð var alveg ljómandi fín, veðrið var alveg sindssygt og á sunnudeginum sofnaði ég til dæmis í sólstólnum úti í garði í einn og hálfan tíma í brjóstarhaldaranum og með uppbrettar buxurnar. Er nú með einstaklega skemmtilegt blúndufar á brjóstinu og tvær skakkar línur á sínuhvoru lærinu. Manni hefnist fyrir að elska sólina!

Síðan eru þær fréttir æðislegastar að við Isabella erum búnar að panta okkur flugmiða heim á Frón, og munum við stoppa frá laugardeginum 29. júlí til mánudagsins 7. ágúst.

Annars er lítið uppi: stressið er að hellast yfir okkur því það eru ekki nema 10 dagar þar til við flytjum yfir í Holbæk, og við erum ekki búin að pakka niður svo miklu sem tannburstunum okkar. Þurfum ærlega að fara að drífa í þessum, því að það er sko nóg af drasli að hugsa um,- en einhvern veginn vinnst ekki tími til að gera eitt eða neitt þessa dagana. Puha!

En jæja, það eru víst sumir litlir sem þurfa að eta nú
kveðjur að handan...

2006-06-28T16:20:00.000Z

Við fjölskyldan skelltum okkur niðrí bæ um helgina, bara svona rétt til að fá ferskt loft og að njóta mannlífsins.
Þegar ég fékk svo fimmhundruðasta hnerrkastið mitt þann daginn, þá ákváðum við að drífa okkur inn í Matas (sem er eins og Lyfja) og kaupa svona alhliða ofnæmislyf.
Við s.s rúllum þarna inn; ég, Martin og Isabella í barnavagninum. Við biðjum um lyfið og afgreiðslustelpan labbar að læstum skáp og tekur út pakkann. Svo lítur hún á mig og segir: "En ég veit ekki hvernig það er... hvort það má taka þetta lyf ef að maður er ófrískur!!!!"

Ó BOJ! Það er ekki gott fyrir litlu mig, sem er með KONSTANT komplexa yfir óléttuaukakílóunum, að fá álíka komment!
Ég gældi við þá tilhugsun að svara: "Altså, jeg er ikke gravid,- min kære..!" en ég vissi ekki hvort það yrði óþægilegra fyrir hana eða mig, svo ég hreinlega sleppti því og greip um magann: Ekki til að gæla við ófætt barn mitt, heldur til að athuga hvort að vömbin stæði virkilega svona mikið út!!!
Martin vill reyndar meina að hún hafi litið á barnavagninn þegar hún sagði þetta og hafi verið að tala um þegar maður er með barn á brjósti,.. sem getur svosum vel verið, en það breytir því samt ekki að hún notaði orðið "GRAVID".

Í dag hef ég svelt mig!

---

Annars er skemmtilegt að sjá litla dýrið núna. Barnahárið er byrjað að hrynja af henni, eins og gerist víst svo oft með svona kríli. En í hennar tilviki hefur það ekki verið að fara af hinum algengasta stað: aftan á hnakkanum vegna núningsins þegar hún liggur, eins og kannski myndi meika mest sens. Í hennar tilviki, þá er bara búið að myndast kollvik dauðans, og hárið frá enni og aftur fyrir er gjörsamlega horfið eins og flugbraut,.... en restin er alveg bara working it og situr enn pikkfast! Það er meira að segja svo mikið af hári aftan á, að ég hugsa að ég geti sett í hana svona mini-tígó!
Eftir mikla íhugun og vangaveltur yfir því hvern hún minnir mig á, þá hef ég loksins áttað mig á því: Hún er NÁKVÆMLEGA eins og Dr. Phil.

Já, það er nú gott að maður er svona fullkominn sjálfur að maður getur sett út á aðra, og sérstaklega nýfætt barn sitt!

Og svo mörg voru þau orð
Bið að heilsa ykkur í bili
Tataaa

2006-06-26T20:28:00.000Z

Og þá hefur dimmt yfir Aarhus.
Ástæðan er sú að nú eru foreldrar mínir eru farnir aftur heim til Ísalandsins, eftir annars fruntalega æðislega heimsókn.
En ljósi punkturinn í því er nú samt að samkvæmt planinu þá mun ég hitta þau aftur eftir nákvæmlega mánuð, og leiðist mér það ei!

Af okkur er allt gott að frétta. Isabella er orðin svo feit að við Martin erum að íhuga að breyta nafninu: IsabOlla. Það birtist alveg hver undirhakan á fætur annarri, og við höfum ekki við að telja þær allar saman!
Annars er hún bara alveg yndislega yndisleg, og allt gengur eins og í sögu.

Síðan eru ekki nema 19 dagar þar til að við yfirgefum Jótlandið fyrir fullt og allt og setjumst að í Holbæk. Það eru nú blendnar tilfinningar í kringum það, og ég verð að viðurkenna að mér finnst það afskaplega sorglegt, því mér líður svo fruntalega vel hérna.
Í framhaldi af því, þá þurfum við að fara að byrja að pakka. Oh Lord,... það þykir mér svo leiðinlegt og ég hreinlega nenni ekki að standa í því.
En þannig er nú það!

Mikið afskaplega var þetta leiðinleg færsla hjá mér,
ég biðst afsökunar á því, en það er svöng dama inni í svefnherbergi sem að kallar ákaft á mig, og ég verð þess vegna að keep it short

bið að heilsa í bili, litli lömb
amen og turilú
p.s nýjar myndir hér til hliðar í "Isabella - fyrstu vikurnar"

2006-06-18T20:55:00.000Z

Heidilíhó..!

Jæja folks, þá eru yndislegu foreldrar mínir mættir á svæðið og gleðin er allsráðandi!
Við erum búin að gera helling saman, en samt ekki. Einkunnarorðið er "afslöppun".
Þau eru í sumarbústað hérna rétt fyrir utan miðbæinn... eeeldgamalt hreysi, sem er samt alveg hrottaralega kósí og ekta sumarbústaðafílingur þar. Tekur ekki nema korter að keyra til okkar, svo að það er allt hið besta.

Síðan er það að frétta af Larsen familien að við erum nú búin að kaupa okkur bíl: dökkbláan Ford Escort, árgerð '99. Dýrið bara alveg fruntalega gott og lítur nokkuð vel út. Munum svo skella okkur til Þýskalands á morgun, kaupa bleyjur og kók og fara í léttan túr með mor og far.

Annars má ég eiginlega ekki vera að þessu,.. það er alveg nóg að gera og ég verð að fara að sinna öllu þessu liði.
Komnar nýjar myndir síðan úr útskriftinni minni og frá heimsókn mormor og morfar.

Bið að heilsa í bili,
tataaa

2006-06-14T22:08:00.000Z

Call me designer....MULTIMEDIADESIGNER!!!

Já, þið heyrðuð rétt! Haldiði ekki bara að daman hafi rúllað upp þessu lokaverkefni með danska 10 (íslensk 9) og er þess vegna formlega orðin margmiðlunarhönnuður!

Ég ætla ekki einu sinni að reyna að segja ykkur hvað ég var stressuð í gærkvöldi og í morgun. Einhvern veginn vannst ekki tími til að gera allt eins og ég vildi, því sumir litlir vildu endalaust láta halda á sér, hvort sem hún var að borða eða ekki.
En sem sagt, allt fór þetta vel.. ég get ekki kvartað.. og á föstudaginn verður formleg útskrift. Þannig að núna get ég s.s hætt að stressa mig yfir þessu blessaða lokaverkefni og einbeitt mér að því að vera mamma og notið þess að eiga quality time með dóttur minni!
Jeeeeeeeeeeeeeha!!!

Næsti stóri hlutur sem mun eiga sér stað er að sjálfsögðu heimsókn mutti og putti, en þau mæta á svæðið eiginlega bara strax eftir útskriftina. Mikið rosalega hlakka ég til að hitta þau,.. enda komið hálft ár síðan að ég sá þau seinast!

Annars hef ég lítið að segja akkúrat núna,
langaði bara rétt að láta að vita að ég er enn á lífi og að ég mun vonandi geta haldið meiri lífi í þessari síðu núna frá og með deginum í dag.

Myndir frá viku 3
Bið að heilsa í bili
Erna a.k.a DA DESIGNAHH

2006-06-09T19:44:00.000Z

Það þýðir ekkert bölvað slen;.... ef mig langar að passa aftur í gömlu fötin mín sem allra fyrst, þá verð ég víst að gera eitthvað í því! Það eru 4 kíló eftir.. og ég vil þau BURT!

Í beinu framhaldi af því, þá stökk ég ofan í hlaupaskóna mína seinasta miðvikudag,... í fyrsta sinn í ca. hálft ár,.. og joggaði hérna stuttan hring. Ég sem á það stundum til að láta metnaðinn bera mig ofurliði og þess vegna ofreyna mig á æfingum, var búin að lofa Martini að fara ekki langt. Þar sem ég er kona orða minna, þá valdi ég hæfilega stuttan hring, sem sennilega hefur ekki mælst mikið meira en 2 km.
Well, allt gekk þetta furðulega vel og það kom mér á óvart hversu lítið þreytt og ónýt ég varð,... svona fyrir utan eitt: það hafði eitthvað klikkað hjá mér að gera ráð fyrir auknum þunganum sem nú liggur framan á mér, og fyrstu 700 metrarnir fóru í það að venjast þessu svaHAkalega hosseríi!
Já,.. það reyndist nefnilega þvílíkt maus að hlaupa með þessi kvikindi, og ég þurfti reglulega að kíkja niður og þreifa til að athuga hvort að það væri nokkuð farið að leka.
Blessunarlega gerðist það ekki (held ég!)... en merkilegt nok þá fékk ég engar harðsperrur eftir æfinguna. Aftur á móti er ég tiltölulega marin í efstu rifbeinunum,- sem er kannski ekki skrítið þegar tekið er tillit til alls álagsins sem þau þurftu að þola: "bojjnng.... bojjnngg.... bojjnnnggg..."

Ég hef verið reglulegur gestur á vigtinni síðan lillemús lét sjá sig fyrir 2 vikum og fylgist þétt með því hvernig hún sýnir breytingar til hins betra (eða ÆTTI að gera það!)
Þegar ég stóð hérna einn daginn og vældi yfir tölunni á skjánum, þá reyndi Martin ótt að hughreysta mig. Ekkert virtist þetta virka hjá honum,- fyrr en hann tók til þess ráðst að fleygja mér aftur upp á vigtina, og halda svo undir júllurnar.
Viti menn,.. tæp 2 kíló ruku af heildarþunganum og minns bara nokkuð sáttur við þetta framtak hjá kallinum!
Greinilegt að það vantar ekki í nestispakkann hennar Isabellu!

Spurning um slá þessu tvennu saman og skrá sig í Vettvangshlaup Mjólkurbús Flóamanna!!!

P.s KÆRAR KVEÐJUR til elsku mömmu sem á afmæli í dag,.. ég gef ekki upp aldurinn en hún er ung sem lamb. Við skulum bara orða það þannig, að andlega, þá er hún ekki enn komin yfir þrítugsaldurinn ;)

2006-06-07T10:33:00.000Z

Já já.. guten!

Jæja, þá lætur maður sig loksins hafa það að setjast hérna við tölvuna og hripa niður nokkur orð.

Allt gengur vel í Gebauersgötunni. Daman bara dafnar og dafnar, og fyrir um klukkutíma síðan var hérna sundhedsplejerske í heimsókn að vigta hana og mæla, og ég skal bara segja ykkur það að dýrið er búið að bæta á sig 300 grömmum og 3 cm síðan fyrir 13 dögum síðan! Ekki slæmt það,.. og greinilegt að mjólkin hennar mömmusinnar er EÐAL-mjöður mikill!!!

Hún sefur alveg eins og engill líka, og soldið skemmtilegt frá því að segja að það er eiginlega eins og það sé komin smá rútína á nætursvefninn hjá henni: Hún sefur til klukkan 11-1 á kvöldin og þá fær hún vel að borða. Svo sofnar hún og sefur til klukkan ca. 6 á næturna, vaknar til að drekka og sefur svo áfram til 8, fær meira að drekka, og vaknar svo um klukkan 10.
Svona er þetta allvegana búið að vera seinustu 4-5 daga, og ég kvarta ekki, enda fæ ég sjálf alveg ágætis svefn út úr þessu.

Síðan eru afi og amma frá Íslandi loksins loksins að koma í heimsókn á föstudaginn eftir rúma viku. Þá verður sko glatt á hjalla og allir eru rosa spenntir fyrir því! Jibbíjeij!

Myndir frá viku 2

En jæja, litlu lömb,.. ég verð víst að nýta tímann meðan daman sefur
bið að heilsa í bili
cheeeeers

2006-06-01T10:18:00.000Z

Fyrir áhugasama, þá kemur hérna smá fæðingasaga:

Það byrjaði allt á miðvikudagskvöldi, þar sem að mér fannst ég fá aðeins fleiri fyrir-hríðir en venjulega. Ég sat hérna inni í stofu, til klukkan 2 um nóttina, að vinna í lokaverkefninu mínu.
Síðan fer ég upp í rúm og sofna.. en vakna svo strax 4.30 með svakalega verki. Ég hélt ég væri bara að ímynda mér þetta,- að mig hafi verið að dreyma að ég væri með verki, því að ég var ennþá 16 dögum frá settum degi.
Nema hvað, að ég ákvað að bíða aðeins og athuga hvort þetta liði hjá. Tók svo tímann á milli verkjanna.. og þá kom í ljós að þeir með 5-6 mínútna millibili. Mér var sagt að þegar þetta yrði tíminn á milli hríða, þá ætti maður að skella sér upp á sjúkrahús.. en ég ákvað að bíða aðeins lengur.. því ég átti svo erfitt með að trúa að það væri komið að þessu,.. hélt í alvörunni að ég væri bara hálfvakandi og enn að dreyma.
Martin, sem er byrjaður að þrífa glugga, var enn steinsofandi.. enda ákvað ég að vekja hann ekki. Í tengslum við gluggaþvottinn hefur hann verið að vakna milli klukkan 5 og 5.30 allar nætur.. og ég hugsaði með mér að ég ætlaði bara að bíða þar til að vekjaraklukkan hans myndi hringja og þá myndi ég tilkynna honum fréttirnar.

Svo leið og beið, og klukkan 5.30 hringir skrattatólið hans. Hann slekkur á því og ég segi við hann:
"Martin! Það er eitthvað að.. ég held að fæðingin sé komin í gang, við verðum að hringja upp á sjúkrahús!"
Stráksgreyið alveg tekur andköf og lítur á mig með stórum augum: "Í ALVÖRU ??????" ...... snýr sér svo yfir á hina hliðina og heldur áfram að sofa!!!!!!!!!!!!

Ég vissi nú ekki hvað ég átti að halda,- og beið eftir að hann snéri sér aftur við og segð: "neiii djóóóók!" - en það gerðist ekki! Drengurinn gjörsamlega rotaðist aftur.. og kjéllan hans komin með hríðir!!!!!
Nema hvað, að 5 mínútum seinna, þá byrjar klukku-kvikindið að hringja aftur, og Martin vaknar til að slökkva á því. Þegar ég svo endurtek fyrri tilkynningu, þá getiði sko trúað því að drengurinn vaknaði,- góða stressið sem hann fékk: hann alveg hreint stökk á fætur og náði í símann og byrjaði að taka tímann og hringja upp á spítala og ég veit ekki hvað og hvað!

Jæja.. anywho! Mínar hríðir stóðu, á þessum tímapunkti, ekki yfir nema í 20 sek, og konan á spítalanum sagði mér að ég þyrfti ekki að mæta uppeftir fyrr en þær stæðu yfir í mínútu.
Allt varð þetta verra og verra,- ég prófaði að fara í heita sturtu til að lina sársaukann,.. það virkaði skammt!
Barðist svo við að blása á mér hárið, því að ekki gat ég mætt upp á spítala með það allt út í loftið! Gafst upp á endanum og prísaði mig sæla að hafa rakað mig undir höndunum kvöldið áður!!!

Rúmlega 7 hringir Martin á taxa og við erum svo mætt upp á spítalann um 7.30. Þar kom í ljós að ég var komin með 4 í útvíkkun og allt leit vel út, svo að það var ekkert annað eftir en að bíða.
Bölvans hríða-helvítin urðu verri og verri, og yndislegt nok, þá fékk ég alltaf svo mikla ógleði í hvert sinn sem þær létu sjá sig.. svo að Martin bara stóð með hvern ælupokann á fætur öðrum meðan ég kepptist við að fylla þá!
Um 9.30 fékk ég nálastungur í magann og fór í heitt bað til að prófa að deyfa kvalirnar,.. það virkaði nú alveg ágætlega... í svona 40 mínútur. Þá fór mér að líða illa í vatninu og vildi uppúr, og strax versnaði það aftur.. bölvans bölvans!

Í kringum 12 leið mér svo hryllilega illa, að ég get sagt það án þess að blikka augum að ég hef ALDREI upplifað annan eins sársauka og vanlíðan. Ljósan reyndi nálastundur á hendur og fætur til að minnka ógleðina, en ekkert virkaði. Loksins tilkynnti ég svo ljósunni að ég vildi fá mænudeyfingu, og hún fór í það að gera allt klárt og kallaði svo á svæfingalækninn.
My Lord,- þvílíkur munur!!!!
Það tók reyndar einhverjar 15 mínútur að virka,.. en það var líka ALLT ANNAÐ LÍF!
Ég fann ennþá smá fyrir hríðunum, en það er varla að tala um það.

Um klukkan 2 var ég komin með 7 í útvíkkun og allt leit vel út. Það gerist reyndar oft þegar maður fær mænudeyfingu að hún hægir á ferlinu,... svo að ég var undirbúin undir það. En ég sagði líka að mér væri alveg sama þótt þetta tæki lengri tíma, BARA ef ég myndi sleppa við hríðafjandann!
Í fyrstu virtist deyfingin ekki hafa áhrif á ganga mála, og útvíkkunin hélt áfram á réttu róli.
Rúmlega 5, þá var útvíkkunin komin í 9.... og síðan stoppaði hún!

Það endaði með því að ég fékk dropa til að koma hríðunum af stað klukkan 18 og svo 18.22 var daman mætt á svæðið!
Hún var ekki víkingurinn sem allir héldu að hún yrði, og mældist aðeins 3130 gr (12,5 mörk) og 48 cm.

Allt gengur vel og hún er vær og góð. Sefur mikið og borðar vel.
Var að vakna núna og kallar a brjóst.
Hef sett inn örfáar nýjar myndir - neðsta albúm!

Verð að skjótast,
cheers!

2006-05-29T11:23:00.000Z

Jæja, sælt veri fólkið!

Þá er maður kominn heim aftur, eftir stranga en YNDISLEGA helgi!

Ég vil byrja á því að þakka fyrir allar kveðjurnar og hamingjuóskirnar. Það gerðist nefnilega að mitt í öllu stressinu, þá auðvitað gleymdist að pakka niður síma-hleðslutækinu, svo að áður en við náðum að senda skilaboðin á allt og alla í símaskránni okkar, þá dóu þeir! (þ.e.a.s minn sími,.. Martins er búinn að vera eitthvað sambandslaus í einhvern tíma!)

Við vorum að koma heim og erum að bíða eftir sendingunni okkar frá BabySam. Það varð að sjálfsögðu eitthvað klúður,- vantaði skiptiborð, rúmið var í vitlausum lit og svo vantaði líka statív undir bað,- svo að við þurftum að hringja og láta laga það. Tíbískt.. !
En þetta er nú vonandi allt að smella saman.

Annars held ég að ég láti þetta duga í bili.
Henti inn örfáum
myndum:
Kveðjur,
Familie Larsen

18 dagar ...

2006-05-22T19:20:00.000Z

Halló!

Ég heiti Nellý, og ég er fíll!

---

Komiði annars sæl, aftur!
Já.. það mætti sko halda að ég væri komin í smá blogg-frí. En málið er bara það að ég er búin að sitja sveitt yfir þessu lokaverkefni, og svo þurftum við aftur að skjótast yfir á Sjálandið góða þessa helgi til að fara í aðra fermingu!

But I'm back, people!!!

Það verður nú reyndar að viðurkennast að ég er orðin alveg slatta þreytt. Ég þrái það eitt að leggjast upp í rúm og fara að sofa, og vakna ekki á neinum ákveðnum tíma til að gera neitt sérstakt; bara sofa þar til ég get ekki sofið lengur.
Um að gera að taka það út núna áður en dýrið lætur sjá sig,- býst ekki við að það verði mikið um svefn þá!
Og talandi um svefn og litla dýrið, þá skelltum við Martin okkur út í BABYSAM í dag og festum kaup á barnarúmi, skiptiborði og baði, sem og öllum öðrum aukahlutum.
Við skulum bara orða það þannig að það DanKortið fékk vægt fyrir brjóstið þegar því var rennt í gegnum posann,- en það kom okkur svosum ekkert á óvart.

Annars er alltaf gott að eiga góða að, og mömmur og pabbar á báðum heimshornum mega hljóta þakkir fyrir það!

Eeeníhú, ég þarf víst að halda áfram að læra
Komnar örfáar nýjar fíls-myndir í Lille Larsen albúmið
Until we meet again....

24 dagar...

2006-05-16T19:27:00.000Z

Guuuuð! Það er fátt yndislegra en enskumælandi Indverji. Það hreinlega GETUR EKKI klikkað.
Við sátum fyrir framan tvo svoleiðis í rútunni á leið heim frá Holbæk. Það var snilldin ein. Ég er að segja ykkur það,- ég myndi aldrei nokkurn tímann geta tekið svona mann alvarlegan!

"Lúgg add de lannndsgeib... idd is dodally fladd.. jú gan sí oll óver dee pleis!"
("Look at the landscape, it is totally flat, you can see all over the place!")

Og talandi um furðufrík í rútunni, þá sat þar kona ein með tvö börn, og annað á brjósti. (Flott nafn á nýjan veitingastað, eins og TVEIR VINIR OG ANNAR Í FRÍI,....- TVÖ BÖRN OG ANNAÐ Á BRJÓSTI!!!)
Anywho,.. það er er ekki frásögum færandi, nema hvað að krakkinn var svo gamall að ég hélt ég myndi æla. Ef að barnið þitt hefur þroska í að fara út í sjoppu og panta kók og pulsu, þá er nok kominn tími á að sleppa brjóstinu!

Ok ok,- ég er kannski aðeins að ýkja,- og ég veit að móðurmjólkin er rosa holl og með öll réttu og bestu næringarefnin,- en ég get svo svariða: ég hélt ég myndi æla þegar konan.. trekk í trekk... þaggaði niður í dýrinu með því að troða júllunum upp í það !!!!

Jahérnahér...

26 dagar....

2006-05-14T16:24:00.000Z

Sælt verið fólkið!

Þá er flóðhesturinn aftur kominn upp á meginlandið, eftir stutt stopp í Holbæk.
Skelltum okkur í eitt stykki fermingu, og það var nú bara eins og það var... mikið sungið.. OF MIKIÐ sungið, slatti étinn, ræðuhöld og skál!
Sjálf sat ég eins og límd við heimsins óþægilegasta stól, og þegar fólk spurði mig hvernig ég hafði það, þá varð ég bara því miður að segja þeim að ég væri að drepast í "røvbenet"! (orð sem að kannski ekki fyrirfinnst í dönskunni, frekar en íslenskunni... en ég meina.. hver veit ekki hvar rassbeinið er !?!?!?!?)

Annars var helgin í heildina alveg ágæt. Kíktum á leiguíbúðina sem við verðum í þar til húsið verður reddí. Ekki kannski heimsins flottasta húsnæði, en það verður að hafa það.. enda líka aðeins hugsað sem tímabundin lausn. Staðsetning er hinsvegar hin fínasta, alveg við miðbæinn, stutt í næstu verslun og svo eru ekki nema um 10-12 metrar að vinnu mömmu hans Martins, svo að það er þægilegt ef að eitthvað kemur uppá og mann vantar hjálp með hitt og þetta, þá getur kellan bara stokkuð út og skokkað yfir á sokkaleistunum!!!

Síðan kíktum við líka á húsið okkar, s.s húsið sem við erum að kaupa. Það er búið að setja alla veggi upp, svo að það er komin aðeins meiri mynd á þetta. Martin tók myndir hér og þar,- en ég skildi samt ekki tilganginn; Þegar allt kom til alls og maður skoðaði þetta í myndavélinni, þá sá maður ekkert nema helling af gráum, steyptum flötum, og maður gat engan veginn gert greinamun á milli herbergja!
En drengurinn vildi endilega festa þetta allt á filmu, svo að það fékk hann að gera.
Ég hendi inn nokkrum af þessum "steinsteypumyndum" í Lille Larsen albúmið, sem og örfáum bumbumyndum!

Annars finnst mér einstaklega æðislegt að tilkynna ykkur það að ég er nú formlega búin með ritgerðina mína,- og hana nú og hopp og hí og trallallaaa!!
Hún er að vísu ekki tilbúin til afhendingar,.. en allir kaflar eru skrifaðir, og það sem ég á svo eftir að gera er bara að lesa hana yfir, fínpússa textana, kaflaheiti og annað eins,.. og reyna að taka út svona smá hér og þar, þar sem að ég skrifaði 2 blaðsíðum meira en ég má.
Síðan þarf ég bara að vinda mér í heimasíðugerð, og ef að planið mitt stendst, þá mun ég geta klárað þetta verkefni allavegana svona viku fyrir skiladag! Dejligt !!!!

En þetta mun vera allt sem ég hef að segja í bili,
bless bless, litlu lömb
Larsen OUT!

30 dagar...

2006-05-10T18:10:00.000Z

Æj æj!
Ég sit hérna uppi í rúmi og vinn að lokaverkefninu mínu, þegar ég heyri alltíeinu að það er eins og það sé bankað á gluggann. Ég sný mér við til að athuga hver er þar á ferð, og við mér blasir þá bosandi maður sem var að dusta mottuna sína. Ég brosi bara tilbaka og sný mér aftur við og held áfram að læra.

Það kom í ljós að þetta var fasteignasalinn okkar að koma með einhverja pappíra. Hann hafði reynt að hringja dyrabjöllunni en fattaði ekki hvernig hún virkaði. Tók þess vegna til þess örþrifaráðs að reyna að ná til okkar með öðrum hætti!
Karlgreyið hefur ekki vitað betur og hélt að hann væri búinn að ná sambandi þegar hann bankaði á gluggann hjá umhyggjusamri húsmóðurinni!!! Alltaf jafn kurteis hún Erna!

Breytir því svosum ekki að ég hefði aldrei farið til dyra þó svo að ég hefði fattað þetta. Það er nefnilega sjón að sjá mig akkúrat núna, og ég líkist einna helst stærsta Vals-fan sögunnar. Það er búið að vera svo GLIMMMMMRANDI veður í dag: 25 stig í skugga og lítill vindur. Svo að ég tók mig til og fór í smá göngutúr, fann mér bekk og sat þar í einn og hálfan tíma að lesa slúðurblöð.
Er þarafleiðandi hvít/rauð/hvít/rauð frá toppi og niður á tær!

Eníhú....ætla að setja smá hraðferð á þennan lærdóm,
tataa
Ernaa

31 dagur...

2006-05-08T23:32:00.000Z

Mjólk í kaffið????

---

Martin vill nú meina það að hann þoli mikið. Hann er kannski ekki naturally born víkingur eins og ég,- en í honum rennur eðalblóð!
En eftir hálft ár íklædd í buxur úr stroffi sem ná uppundir höku, gúmmí-boli sem hægt er að toga niður fyrir rass,.. eftir að handleggirnir á mér breyttust í pönnukökur, fingurnir á mér í sundfit og rassgatið á mér í jellygraut eins og voru tíðir í gömlu parketauglýsingunum,- þá er kannski ekki furða að hann líti undan og segi að "nú sé nóg" þegar ég ligg við hliðina á honum uppi í rúmi rétt fyrir svefninn og sýni honum stolt hvernig dömurnar mínar eru miskunnsamlega farnar að framleiða hinar ágætustu mjólkurafurðir!

Já, það rennur kannski í honum eðalblóð,- en þessa seinustu daga og vikur, þá virðist sérmeðhöndlun mín á dömunum tveimur ekki vilja beina þessu eðalblóði yfir á hans eðalstaði!!!

34 dagar....

2006-05-06T11:56:00.000Z

Jæja, þá erum við komin með íbúð í Holbæk!

Það er nefnilega þannig,- svona til að liðka upp á minnið ykkar,- að við erum s.s búin að kaupa raðhús í Holbæk (rétt fyrir utan Köben). Það hús er svona "andelsbolig" sem þýðir að við eigum hlut í húsinu en borgun samt áfram leigu í hverjum mánuði.
Þetta hús er glænýtt og það er verið að byggja það í þessum töluðu orðum. Áætlaður afhendingadagur var gefinn 1. nóv.... en ég trúi því nú þegar að ég sé það, og er þess vegna alveg búin að búa mig undir það að flytja ekki inn á réttum tíma! Það er ALLTAF þannig með svona ný hús!

Aaaannywhooo... af ýmsum ástæðum langaði okkur að flytja til Holbæk strax í sumar (m.a það að foreldrar hans búa þar og það er gott að hafa einhverja fjölskyldu nálægt þegar lilleBolla verður mætt/ur á svæðið, það er miklu styttra á flugvöllinn í tengslum við það þegar að mitt fólk kemur út til að heimsækja okkur, og svo er Martin svona í því að sækja um vinnu í Köben og það er náttúrulega erfitt að vera að vinna þar en búa í Aarhus, og taka lest 3 og hálfan tíma hvora leið á hverjum degi!!!!)

Neeeemmma hvað, að við skráðum okkur á einhvern svona biðlista fyrir leiguíbúðir í sumar, og síðan í gær var hringt í okkur og okkur formlega tilkynnt það að við erum komin með eina slíka, á besta stað, frá og með 15. júlí!! Jubbbiiiii!!!
Þannig að, að öllum líkindum munum við kveðja yndislega Aarhus þarna strax um miðjan júlí og skutlast yfir á Sjálandið, og búa þar í leiguíbúð þar til næsta haust(eða vetur) þegar húsið okkar verður reddí!

Og þar hafiði það! Bara smá uppdate on my existences!

---

Já, og svo eru ekki nema akkúrat 2 vikur í Eurovision! Jibbíkóla!
Verst bara að ég er orðin svo højgravid að ekki mun ég geta skellt mér í eitt stykki Eurovision-party, hvað þá fengið mér í glas!
Reyndar erum við að fara yfir í Holbæk þá helgina í fermingu,... veit nú ekki hvernig það mun enda, því að þessi ákveðna ferming er hjá móðursystur Martins og hún er þekkt fyrir svaðalegar veislur, svo að... að öllum líkindum fer þessi fermingarveisla fram með pompi og prakt; mikið dansað, mikið drukkið, mikil læti !!!!!!
Ég býst þess vegna við því að skutlast heim í hús foreldra Martins um leið og maturinn hefur verið innbyrgður,- og hanga þar ein og styðja Silvíu Nótt, meðan restin af genginu skemmtir sér! Dejligt !

En jæja.. ég held ég þurfi að taka mér smá blund. Það er helvíti ærgeligt því að það er svo fruntalega gott veður úti,- en aftur á móti eru plathríðir og samdrættir (plukveer) byrjað hjá mér á fullu, og mér skilst að það sé merki líkamans um að ég eigi að slappa af. Ég lofaði þess vegna Martini í gær að reyna að vera duglegri að leggja mig yfir daginn... og það loforð mun ég uppfylla hér og nú!

Turilú í bili
Erna (og lilleBolla)

36 dagar....

2006-05-04T19:24:00.000Z

"My doctor says I am overweight for a reason,- it is because I have a disease: I have alzheimers AND bulimia.....
...... I eat and eat, but then I forget to throw up!!!!!!!"

37 dagar....

2006-05-03T17:08:00.000Z

MMMmmm.. það er fátt yndislegra en góður sumardagur: blessuð sólin, steikjandi hitinn, lyktin af nýslegnu grasi og brennheit mölin.
Urmull af fáklæddu fólki, allsráðandi sandalar, ökklabönd, snípsíð gallapils, og hlírabolir. Sólgleraugun á lofti, rauðar bringur, brenndar kinnar, biðröð í ísbúðina, pökkuð útisæti kaffihúsanna og gleðihlátur í leikskólabörnum.

..... en skyndilega fölnar þessi fagra mynd,- þegar hunangsfluga flýgur hjá!!!!!

40 dagar...

2006-04-30T10:25:00.000Z

Fórum í gær út að borða, nokkrir úr bekknum, í tilefni af afmæli Tönju!
Hún hafði valið einhvern stað, hérna niðri við "ána" í bænum. Sem er svosum ekki frásögum færandi nema hvað að ég borgaði 2000 kall fyrir svínabita vafinn inn í útflatt kjúklingaumslag með niðurskornum mangósneiðum og örfáum dropum af rauðu mauki!!!!!

Já,.. kannski get ég ekki verið að kvarta.. ég veit að þessir veitingastaðir þarna við þessa blessuðu á eru dýrari en gengur og gerist. Mér finnst bara óþolandi að fara út að borða á staði þar sem meira er lagt í það að búa til vel skreyttan disk heldur en útilátinn!

Ég er nú reyndar ekki ÞAÐ nísk,- venjulega kippi ég mér ekki upp við slíkan hlut eins og veitingastaðaverð. En þessa dagana er buddan óvenju tóm og ég sé fram á mikil útgjöld á næstu mánuðum,... so forgive me for bitching!

---

Síðan fórum við á fimmtudaginn upp á spítala,- rosa sniðugt framtak hjá þeim: alltaf á þeim degi frá kl. 15.15 - 16.00 er mögulegt fyrir verðandi foreldra að mæta á svæðið í svona kynnisferð um fæðingadeildina.
Þetta var allt rosa spennandi og þægilegt að vita hvar og hvernig þetta mun fara fram! Það voru þarna allt í allt svona 8-10 pör og það var alveg einstaklega ljúf ljósmóðir sem að labbaði með okkur um svæðið og sýndi okkur allt sem viðkemur fæðingunni.
Á einum tímapunkti leit ég á Martin,-.... hann var GULUR í framan! Ég hélt hann myndi æla!!!

Síðan þegar við erum á leiðinni út þá sagði hann mér að honum hafi ekki liðið neitt alltof vel þarna inni: þetta hafi allt orðið eitthvað svo raunverulegt og hann hafi skyndilega áttað sig á því að eftir rúman mánuð þá verður hann orðinn pabbi!! PABBI !!!!!

Já,.. hann veður ekki í vitnu,.. greyið! :)
En það er gott að hann er búinn að fatta það,- kannski ekki seinna vænna.. þar sem að það eru akkúrat 40 dagar í settan dag!

And may the countdown begin.... vonum bara að krakkinn láti ekki bíða of lengi eftir sér!

En jæja, við erum farin að læra
heidilíhó,..

Smá pæling..

2006-04-27T16:54:00.000Z

Getur fólk almennt fundið bragðmun á milli m&m-a?

Martin heldur því nefnilega fram að þessi brúnu séu best,- ég hef bara aldrei á ævi minni getað greint nokkurn mun,.. whatsoever!!!

2006-04-25T13:13:00.000Z

Það er eitthvað við bókasöfn sem hræðir mig!

Og í beinu framhaldi af því þá þori ég aldrei að fara þangað ein. Þarf alltaf að draga einhvern með mér,... og ef enginn er til taks, þá hreinlega sleppi ég því að fara.

Ég veit ekki hvað það er sem er svona fráhrindandi,- hvað það er sem er svona yfirþyrmandi hræðilegt; hvort það er öll þessi viska lokuð í litlu herbergi, þrúgandi þögnin, tilfinningin um að það sé einhver að fylgjast með mér, benda á mig og hlæja að bókavali,.... eða nagandi samviskan sem stríðir mér því að ég hef einhvern tímann gleymt að skila,....

Hvað sem það er þá gerir það allavegana að verkum að þó svo að mig BRÁÐVANTI nokkrar bækkur á þessum tímapunkti í verkefninu mínu, þá hef ég algjörlega litið framhjá þeirri staðreynd vegna þess að Martin er staddur í Þýskalandi, - og ég vil ekki trítla ein upp í opið geð ljónsins!!!

---

En já! Martin er s.s í Þjóðverjalandinu þessa stundina að versla inn.
Það er nefnilega þannig að eftir 1 og hálfa viku þá verður haldin svona "árshátíð" handboltaflokksins hans, - og af því tilefni skaust hann yfir í "land ódýrra veitinga" ásamt öðrum kammerat til að kaupa hrúgu af bjór.
Að sjálfsögðu verður tækifærið gripið og 90 dósir af Diet Pepsi munu innan 2 klst fylla ísskápinn minn!
Óóó diet pepsi - long time no see!!!

Að öðru leiti er það helst í fréttum að við erum sennilega bæði að missa vitið, svona hvað úr hverju.
Í beinu framahaldi af seinust færslu, þá lágum hérna uppi í rúmi í gærkvöldi og kepptumst við að syngja einhver önnur lög fyrir hitt að fá á heilann. Það virkaði líka svona glimmrandi vel, að í morgun þegar ég fór á fætur og áður en ég var meira að segja sest niður til morgunpisss, þá var ég farin að raula um þessi blessuðu hjól í Beijing!!!

Þetta er ALGJÖRLEGA ÓÞOLANDI! Ég skil bara ekki hvernig þetta lag er orðið svona brennimerkti í hausinn á okkur.
Ég er allavegana að íhuga það að skrifa meil til Katie Melua, þar sem ég hóta henni saksóknar og heimta himinháar upphæðir fyrir traðka svona ofan á betri vitund minni.

"I have a reputation, you know, and a final project I need to finish....... bitch !!!"

Shut up... Shut up... SHHUUUUTTT UUUUPP....!!!!

2006-04-24T13:14:00.000Z

Já, seinustu daga hef ég mikið verið að segja Martini að loka þverrifunni.

Það er af því að seinustu daga er eftirfarandi inni í þriðju hverju setningu sem hann hefur látið út úr sér:

"There are nine million bicycles in Beijing....."

---

Það þekkja það allir að fá eitthvað lag Á heilann. En er einhver sem hefur horft upp á ástvin sinn skipta út heila fyrir lag ????

Bráðþroska hænuungi !?!?

2006-04-21T17:56:00.000Z

VÁ VÁ VÁÁÁÁÁÁ !!!!

OK, mig langar bara að þakka ykkur öllum alveg ROOOOSALEGA ÓÓÓÓÓTRÚLEGA fyrir hjálpina með könnunina. Ég hef núna fengið 4 SINNUM fleiri svör en ég upphaflega var að VONAST til að ná.
Jahérna hér,... ég veit eiginlega ekki hvað ég á að segja til að lýsa þakklæti mínu (*fiðluspil*) en þið megið sko vita það að útkoman hefur algjerlega tekið mig með stormi og fleygt mér upp á bleikt ský! Þar sit ég núna og syng, og plana það hvernig í ósköpunum ég á að fara að því að vinna úr öllum þessum gögnum :)
Spurning um hafa samband við kennarann og biðja um frest !?!?!?

Njahhh, ég segi svona!
En s.s " from the bottom of my heart: takk takk takk til allra sem að lögðu það á sig að svara,- og að auglýsa þetta enn frekar fyrir mig!"
*knúúúúúúúús*

---

Annars er nú lítið annað að frétta af mér, fyrir utan þetta verkefni. Ég bara hangi hérna heima allan daginn og vinn í því. Er farin að finna fyrir svo mikilli þreytu að ég hef bara ALDREI á ævi minni upplifað annað eins. Ég er LITERALLY að beeeeerjast við að stíga fram úr rúminu fyrir klukkan 12 á hádegi, og þarf oftar en ekki að halla aftur augunum seinna um daginn til að endurhlaða batteríin enn frekar.

En svona er það víst, það fylgir og ég get ekki verið að kvarta!

But, my darlings,... ég ætlaði bara að koma þessum þakkarorðum til skila

Langar, svona áður en ég kveð, að sýna ykkur myndina af páskaegginu mínu.

Það er nefnilega þannig að ég hef aldrei verið hrifin af slíkum óbjóði; finnst hreint rjómasúkkulaði hinn mesti vibbi og nammið sem er innaní er heldur ekkert sem freistar mínar.

En í ár, - bara svona til að vera píííínulítið með á nótunum, - þá skellti ég mér upp í búð og keypti það sem kemst því næst: venjuleg hænuegg!

Það er skemmst frá því að segja að ég missti VÆGAST SAGT listina þegar ég - einn góðan veðurdag, hugsaði mér gott til glóðarinnar, setti vatn í pott til að sjóða dýrið og fleygja ofan á hvítt samlokubrauð,- opnaði kassann og tók upp þetta kvikindi,

Hef síðan þá verið að velta því fyrir mér hvort það sé eitthvað til sem heitir BRÁÐÞROSKA HÆNUUNGI !?!?!?

En jæja, er farin að horfa á American Idol,

bið að heilsa í bili

cheeeeers

p.s komnar nýjar bumbumyndir!

2006-04-14T20:21:00.000Z

***** MIKILVÆGT - MIKILVÆGT !!!!! *****

Eins og þið vitið flest, þá er ég að vinna að lokaverkefninu mínu í skólanum hérna í Danmörku. Í tengslum við það er ég búin að búa til smá spurningaskema, og mig langar að biðja ALLA sem að lesa bloggið mitt um að smella á ÞENNAN LINK og svara.

Þið ykkar, sem lesið síðuna mína OG eruð með ykkar eigin bloggsíðu, mig langar alveg rooooosalega mikið að biðja ykkur um að setja þennan link líka þar á og biðja þá sem lesa YKKAR BLOGG um að fylla út þetta spurningaskema, as well.

Hér er linkurinn í URL-formi:

http://avenquest.advsh.net/skema.htm?ID=idgcNx1WKBtY&Skole=survey

Ég veit að flestir eru á fullu að læra undir próf, en ég LOFA að þetta tekur alls ekki langan tíma, og spurningarnar eru hvorki flóknar né villandi.
Hvað er annars betra en að taka sér 10 mínútna pásu frá lærdómi og hjálpa vini í nauð ????

Það fylgir smá kynningar-texti í byrjun spurninganna, þar sem að ég segi nánar frá verkefninu!

Elsku fólk, ég yrði svo þákklát!

HÉRNA er linkurinn aftur! :)

Með fyrirfram þökk, allir saman
Erna researcher!

Og undrin gerast enn...

2006-04-13T15:13:00.000Z

Leidis end jeinkúlmen,- soldið einstaklega undavert hefur gerst hérna í Gebauersgötunni. Hlustiði nú vel, því þið verðið sko stolt:

Síðan um jólin hef ég svo sérstaklega, ótrúlega og mikilmannlega náð að klára og fleygja svo mikið sem 7 flöskum af ilmvötnum,- ÁN ÞESS að festa kaup á einu einasta í staðinn! Þannig að fjöldinn í baðherbergisskápnum mínum hefur hrapað svona svaHAAAAkalega frá 11 og niður í 4 !!!!!

Jáhhh, eitthvað á nú mannkynssagan eftir að breytast í næstu sögubókum og verða undur veraldar framvegis talin 8!

Who's da MAAAANNNNNNN ????

2006-04-11T10:04:00.000Z

OK!

Ég verð að fá að lýsa skoðun minni á einu,- ég veit að hún á örugglega eftir að fara fyrir brjóstið á einhverjum, - en það verður bara að hafa það:

Ég held að Madonna hljóti að vera einn allra ALLRA ofmetnasti "tónlistarmaður" allra tíma.
Ég hef nokkrum sinnum séð, í sjónvarpinu, svona LIVE upptökur af tónleikum hjá henni (eða einhverskonar performance) - og manneskjan heldur varla lagi. Ég hef 2 sinnum (svo ég man) þurft að skipta um stöð, því ég hélt það ekki út að hlusta á hana!

Þó svo að ég geti viðurkennt það að nýjustu lögin hennar séu nokkuð góð, þá get ég því miður ekki sagt það sama um öll hennar eldri. Ég hreinlega skil ekki hvernig stúlkukindin náði þessari svakalegu frægð og frama, - því öll gömlu lögin hennar eru helber vibbi!

Já,.. langaði bara aðeins að hella mér yfir ykkur. Málið er nefnilega það að ég get varla horft á hana án þess að fá grænar á rassinn og pirring niður eftir baki,- og þessa dagana finnst mér hún vera allstaðar!!!

En jæja, má ekki vera að þessari vitleysu,
er að fá fasteignasala í heimsókn til að meta íbúðina okkar,
cheers

Ég trúi á.....

2006-04-07T12:10:00.000Z

Jahérnahér!
Hvað er nú að verða um trúarkerfi kristinna manna?

Samkvæmt nýjum fundum í þeim efnum, þá eru komnar fram á sjónvarsviðið heimildir sem afsanna stóran kafla kristinfræðinnar: þessar heimildir segja að Júdas hafi bara akkúrat ekki svikið Jesú Krist,- og þannig leitt til krossfestingar hans!
Og svo eru aðrir fræðimenn sem vilja meina að Jesú hafi ekki gengið á vatni, heldur hafi hann hreinlega skautað á svelli!

Hvað svo næst? Fáum við að vita að Jesú hafi í rauninni ekki breytt vatni í vín,- þeir hafi nefnilega allir verið að drekka appelsínusafa? Að hann hafi ekki læknað hina veiku,- hann hafi bara útdeilt plástrum?

Með þessu áframhaldandi, þá munu hinir kristnu beina sjónum sínum að annarri hetju, útnefna annan sem Guðs son,- hinn útvalda. Testamentin verða brennd á báli, Faðir-Vorið endurskrifað og það verður búað á Benny Hinn, svikara og falsara, sem ennþá stendur uppi á sviði í Norður-Ameríku og predikar!

Hver veit,.. kannski eftir nokkur ár, þá standa fermingarbörn uppi við altarið, með kók í annarri og pízzusneið í hinni, lofa heimsvæðinguna, tæknibyltinguna, internetið,- hamborgara og franskar: "Ég trúi á Guð, föður almáttugan, skapara himins og jarðar. Ég trúi á Britney Spears, hans einkadóttur, sem getin er af heilögum anda ... "

2006-04-06T16:23:00.000Z

Svona almennt, þá virðist fólk halda það að færslan frá því í gær sé bara enn ein tilraunin hjá mér að segja sögu,- að ég sé hreinlega að fylla upp í bloggið með því að reyna að vera fyndin og búa til einhverja vel ýkta frásögn, sem er bara ekkert spaugileg og hefur engan tilgang!

Well.. people! Ég skal nú bara segja ykkur það, að þetta var bara hreint ekki djók og ég var ekki að reyna að vera fyndin. Ég var í ALVÖRUNNI næstum þvíin farin að grenja, og þurfi GRÍNLAUST að berjast við að halda tárunum innan augna, en ekki utan!

Og tilgangurinn!
Já, ástæðan fyrir því að ég sagði ykkur frá þessari eftirminnilegu strætóferð er þessi; passiði ykkur hvað þið segið við mig - því að þó að ég sé rumur mikill, herðabreið, ógnandi og ægileg hið ytra...... þá er ég bara pínulítil hnáta, hið innra, og það er aldrei að vita hvenær ég brotna niður.

Bilaður strætótakki gerði næstum útslagið í gær, Bart Simpson fyrir einhverjum vikum,.. hver veit hvenær ég fer næst að grenja, og hvað eða HVER það var sem olli því!

Þið vitið hvað þeir segja: "Elephants don´t forget !!!!!!!!!!!!!"

Með víkíngsblóð í æðum, - en ekki vör!

2006-04-05T11:17:00.000Z

Ég skrapp upp í skóla í dag til að eiga fund með umsjónarkennaranum mínum. Það er svosum ekki frásögum færandi, nema hvað að ég tók strætó uppeftir.
Það er ekkert merkilegt við það heldur, fyrir utan það að rétt áður en kemur að mínu stoppi, þá sit ég í mínu sæti og ýti á takka-kvikindið. Ekki gat ég heyrt neitt *bing* og ekki gat ég heldur séð að "stop" ljósið yrði rautt. Svo að ég ýti aftur. Enn sá ég ekki neina breytingu, þannig að ég áleit að "stop" ljósið væri, indeed, rautt,... en útaf því hvernig sólin skein á skerminn, þá gat ég hreinlega ekki séð það.

Til vonar og vara, þá stend ég snemma á fætur,- ýti á annan takka, við annað sæti- meðan ég labba að hurðinni, og þar stend ég svo sallaróleg og bíð eftir að strætóbílstjórinn hægi á sér.
Þegar ég, hinsvegar, horfi á biðstöðina mína birtast og svo hverfa rólega aftur,... þá stekk ég til... segi "UUUUhhhhh.. !?!?! " og drífi mig að ýta á enn einn takkann.
Bílstjórinn lítur á mig og spyr: "Ætlaðirðu að fara út þarna?"
Ég svara játandi, og þá spyr hann mig hvort að hann megi ekki bara láta mig út þar sem hann var staddur þá stundina (einhverja 20 metra frá mínu stoppi). Aftur svara ég játandi.
Þá segir hann við mig: "Þú verður að ýta fyrr á takkann!!!!"

Ég stóð bara þarna eins og Ingjaldsfíflið, fann hvernig hjartað byrjaði að hamast umfram venjulegheit: "Jahh.. ég hélt nú að ég hefði ýtt á hann!" svara ég lágum og veikum rómi.... -hvít lygi- því ég VEIT að ég ýtti á hann: ÉG ÝTTI Á HANN 3 SINNUM !!!!!
"Greinilega ekki!" svaraði hann snúðugur og opnaði hurðina til að hleypa mér út!

---

Ó! Stundum getur maður verið svo lítill í sér.

Meðan ég gekk niður tröppurnar, þá fann ég dofann myndast í lófunum, svitann á enninu og hvernig neðri vörin á mér tók til að titra eins og vitleysingur!!!
Mig langaði mest til að hlaupa heim, henda mér undir sæng og grenja! Mér leið,-í alvörunni-, svo illa, að ég varð að berjast við að halda aftur af tárunum og var ekki nema hársbreidd frá því að hringja í pabba til að fá smá uppörvunarorð!
Hvað er að, spyr ég !?!?

Það er nokkuð greinilegt, að þó að það renni í mér hreinræktað víkingablóð - þá virðist það allavegana ekki ná út í vörina á mér,- því núna,- um 2 tímum síðar,- virðist hún ennþá vera að berjast við skjálftann !!!

Kærum sygehuset !!!!!

2006-04-01T13:33:00.000Z

Tókum í gær hinar vikulegu "Bumbumyndir" - og ég skal bara segja ykkur það að ég fékk alveg HRYLLILEGA fyrir brjóstið þegar ég skoðaði afraksturinn:
ERUM VIÐ EKKI AÐ GRÍNAST MEÐ KRAKKASKRATTANN ???
Er fólk alveg ABSOLUTELY með það á hreinu að það er bara eitt þarna inni??
Og það eru ennþá heilar 10 vikur eftir ?? Ætli það sé laust auka pláss í flóðhestageymslum danska dýragarðsins ?????

Ég veit að þið eruð öll komin með ógeð á þessu barnatali, og ég var líka búin að lofa sjálfri mér því að hætta að tala um dýrið hérna á blogginu.
En ég bara VERÐ að fá að lýsa yfir áhyggjum mínum í þessari deild.
Ætli ég geti kært sjúkrahúsið, ef að - þegar að rembing kemur - það birtast tvö, þrjú eða jafnvel fjögur ???

Úff !!!!!!!!!!!!

2006-03-30T16:54:00.000Z

Skruppum yfir á Sjálandið núna á þriðjudag og miðvikudag, til að vesenast í þessum íbúðarmálum. Það sem bar hæst var 2 1/2 tíma langur fundur sem gekk út á það að það var lögfræðingur sem fór yfir allskonar reglugerðir sem við koma kaupum á svona andels-íbúðum eins og við erum að fara að fjárfesta í.
Fjúff.... ég veit ekki hvað ég á að segja; en mitt í öllum klíðnum fór ég að spá í því hvort að það væri, í alvörunni, líffræðilega mögulegt að deyja úr leiðindum!?!?

Ég fékk nú samt mínar 15 sekúndur of fame þarna inni: það kom nefnilega í ljós smá villa. Það er þannig, að allt í allt er verið að byggja 26 íbúðir.. og á þessum fundi voru representatives frá öllum þessum íbúðum: annað hvort einn eða fleiri. Síðan las lögmaðurinn upp hver var formlega skráður sem andels-hafi (eigandi) og fólk átti að svara (s.s kalla yfir alla, ca. 50-60 manns) hvort það var rétt eða ekki.
Þegar hann las upp fyrir okkar íbúð, þá kom í ljós að Martin var sá eini sem var skráður,.. ekki ég! Martin segir þá við lögfræðinginn að það vanti mitt nafn og kallinn spyr mig hvort að ég vilji líka vera skráður andels-hafi. Ég svaraði því játandi, og þá biður hann um nafnið mitt....

Martin hefur nefnilega sagt mér, að þegar ég er að segja til nafns, að bera það ekki fram á íslenskan máta, heldur segja þetta meira eins og Danir myndu bera fram.

Ok, jú jú.. kallinn biður um nafnið mitt og ég segi það fyrra, svona á þann hátt að ég veit að Danirnir skilja: "Eeeeennnaaa"... svo hika ég í smástund, allir svoleiðis stara á mig og bíða eftir að heyra restina,.. ég finn að ég roðna eins og hálfviti, lít á Martin svona til að fá samþykki frá honum um að ég eigi að gefa upp rest, og svo bæti ég við: "... SI-GU-DA-DO-DI..." - og hljómaði nottla ALVEG eins og indverja-kaupmaðurinn hann Abu í Bart Simpson!!!!!!

Það er ekki að spurja að því, allur salurinn fór nottla að í krampakast og lögfræðingurinn setti upp þennan svaka svip. Ég hélt áfram að roðna, þóttist eitthvað vera að hagræða jakkanum mínum svo að ég þyrfti ekki að horfa framan í allan skarann sem starði á mig, og svo segir kallinn: "uuuuhhhh...já!!!!!..... ég kem bara til þín í hlé-inu og þú skrifar það niður fyrir mig !!!! "

Æji,.. spurning um að skella sér bara strax niður á skrifstofu borgarstjóra og drífa í því að gifta sig, svo að ég geti tekið upp eftirnafnið hans Martins.
Ég meina, hvaða vandamál getur maður svosum feisað í dönsku þjóðfélagi ef að maður heitir "bara" Erna Larsen !?!?

2006-03-25T20:27:00.000Z

Æjjj, stundum getur maður verið svo einfaldur!

Það var nefnilega þannig, að þegar við vorum úti að borða afmæliskvöldverðinn minn seinasta miðvikudag, þá barst talið að litla Larsen (eins og svo oft áður).
Nema hvað að við fórum að tala um hvað það verður spennandi að sjá hvað krílið erfir frá hverjum, ekki bara okkur tveimur heldur líka frá ömmunum og öfunum í báðum ættum.

Eftir allskyns vangaveltur og umræður þessu tengdu, þá segi ég við Martin:
"If it is a girl, I would really like it, if she would get the height from your family, and for example inherit your dad's tallness!"
(Af því að pabbi hans Martins er alveg ofsalega hávaxinn og grannur, og ég ímynda mér að stelpa með einhver af hans genum yrði sko mega flott módel-vaxin ;)

Martin, sem er við það að stinga kjötbita upp í munninn á sér, hættir allt í einu við og starir á mig aaaalveg hljóður í einhverjar sekúndur, með þennan líka undrasvip... nánast hneykslaður. Ég skildi ekki hvað ég hafði sagt rangt, ég hélt að það væri bara af hinu góða að vera hávaxin(nn).
Eftir að drengurinn hafði mælt mig út í smá stund, og kjötbitinn við að verða questionably þurr á gafflinum beint fyrir framan munninn á honum, þá spyr hann:

"Bíddu... HAAAAA????"

Ég hika aðeins,- veit ekki hvort ég á að þora að endurtaka þessa setningu fyrst hún fór svona illa í hann. En svo læt ég verða af því: ..... " bla bla bla... your dad's tallness!"

Þá fer Martin sko heldur betur að hlæja, leggur bara alfarið frá sér gaffalinn og kjötbitann og segir:

"Guð.. veistu hvað mér heyrðist þú segja!? "If it is a girl, I hope she gets your dad's TOENAILS !!!!
Ég skildi bara ekkert hvað var svona merkilegt við táneglurnar hans pabba !!!!!!!!!!!!!!"

---

Því það er nú fyrir öllu: umfram allt, þá vona ég svo sannarlega að barnið mitt erfi táneglurnar frá tengdapabba !!!!

MY LORD, sko !
Ekki kannski gott að vera með Mrs. Loudlaughter inni á public restaurant þegar annar eins misskilningur á sér stað. Og við skulum nú bara orða það svona: Guði sé þökk fyrir að ég var ekki búin að fá mér bjór að drekka líka, því þá á nú volume-ið mitt það til að stíga upp, ansi kröftuglega, einhver megahertz!!!

Þetta fannst mér bara svo óheyranlega fyndið að ég á erfitt með að lýsa því... sérstaklega þegar ég hugsa til baka hvernig Martin brást við.. svona svipbrigðalega séð! Ég mun ALDREI ALDREI gleyma þessum brandara!

---

Annars eru tengdó að koma í "afmæliskaffi" á morgun, um hádegi. Af því tilefni ætla ég að baka bollur og franska súkkulaðiköku. Er jafnvel að spá í að skella þessu hvorutveggja í ofninn núna í kvöld, svo að ég þurfi ekki að vera í stresskasti í fyrramálið, milli þess sem ég tek til og skrúbba mig sjálfa.

Spurning um að biðja pabba hans Martins að fara úr sokkunum.....

Bið að heilsa í bili
Erna og Lille Toenail!

2006-03-23T19:25:00.000Z

Mig langar að þakka öllum góð- sem og annars slags hjörtuðum fyrir þær kveðjur, sms, hringingar og samtöl á msn sem ég hef fengið á þessum líka ágætis degi!

En veruleikinn er súr, og ég er nú orðin heilu ári eldri en ég var í gær,- eins og faðir minn elskulegur á svo oft til að segja á afmælisdögum ;)

Dagurinn er búinn að vera... tjahh.. bara eins og hver annar dagur. Vaknaði með Martini klukkan 7.30 og þeyttist eins og æstur krakki um alla íbúð að leysa ratleikinn sem hann hafði gert handa mér.
Fór niðrí bæ, til að nota H&M gjafakortið sem að fylgdi með, og endaði nottla á því að labba þar um í 3 tíma !!! Pfff.. hafði ætlað mér TOP klukkutíma í það verk.
Er síðan búin að vera að skrifa verkefni, hanga á netinu og spjalla á MSN samasem síðan ég kom heim.

Martin kallinn er á æfingu, kemur heim um 21.30. Þá horfum við á Paradise Hotel og svo beint að skúra. Já... það er sko enginn dagur fullkominn, nema að hann endi uppi í skúringum!!!

Annars er ég búin að fleygja inn enn fleiri bumbumyndum, s.s vika 28 og 29!
Já já... ég veit ég veit.. við erum alveg stórklikkuð!
En ég verð nú samt að tilkynna það að ég hef fengið fjöldamargar áskoranir og góða dóma fyrir að vera svona dugleg að setja inn nýjar og nýjar myndir, þannig að þangað til að ég heyri annað..þá held ég áfram!

Við fórum út að borða í gærkvöldi (af því að Martin er svo busy í kvöld), afmæliskvöldverðinn minn, á grískan veitingastað. Hef bara ALDREI, síðan ég flutti til Aarhus, fengið svona hrottaralega góðan mat.
Af því tilefni verður ekkert gott á boðstólnum í kvöld, aðeins skitnar kjúklingabringur og fetaostur.

Og þar sem að það er von á kallinum eftir um klukkutíma, þá er kannski vissara að fara að afþýða þessi kvikindi og steikja í gegn!

Bið að heilsa í bili
Turilú,
Erna.. OUT !

2006-03-22T13:40:00.000Z

Vorum í heimsókn hjá ljósunni í morgun. Það gekk bara vel, svosum ekki mikið að segja um þann fund. Var aðallega bara spjall og svo mældi hún blóðþrýstinginn...sem var alveg á réttu bili. Go Erna!

Síðan í lokin, þá fleygir hún mér upp á bekk og byrjar að þreifa á maganum. Segir: "hér eru lappirnar, hérna er litli rassinn og hausinn er hérna!"
Ekki kannski það þægilegasta, sérstaklega með tilliti til þess að blaðran sú, er kennd er við piss, var algjörlega full hjá mér vegna þess að ég átti að skila inn þvagprufu eftir fundinn.
Jæja, nema hvað.. að mitt í öllu þessu poti og þrýsteríi, þá segir hún: "Já.. á þessum tímapunkti á meðgöngu (s.s ég er í 29. viku) þá eru krakkarnir oftast orðnir um 1200 grömm .... " og svo lítur hún á mig og glottir meðan hún heldur áfram að bora puttunum ofan í magann á mér ".... en mér sýnist nú á öllu að þessi krakki sé töluvert stærri en það !!!!!!!!!!!!!!!!!!!!!!!!!!!!!!"

JÆKS!!!!

I am having giant-baby!

Greinilegt að það er ekkert samasem-merki á milli þess að vera fátækur námsmaður sem borðar brauð og pasta 5 sinnum í viku,- og að eignast vannært, pínulítið barn!

Ég sem er nefnilega búin að vera að hafa áhyggjur af því að fæða ekki krakka-skrattann nógu vel,... þarf núna ALGJÖRLEGA að endurskoða mínar matarvenjur, og jafnvel taka mér bara góðar pásur hér og þar,... fara bara í hungurverkfall þar sem að ég bara neita barninu ALVEG um allan mat í einhverja daga: "Já NEI, Lille Larsen! Nú stækkar þú bara ekki meir !!!!"

Fjúff !

Hrönn vinkona sagði mér einhvern tímann frá því að seinna barn Eiðs Smára hafi verið í kringum 60 cm langt og um 6 kílóa þungt.
Ég man þegar hún sagði mér þetta, þá fékk ég illt í undirlífið. Að hugsa sér að koma slíku ferlíki út úr sér, og hún sem er svo agalega nett og grönn.
En núna, þá er ég bara farin að hugsa sem svo að ég verð alsæl ef að mitt barn mælist undir 10 kg og meters langt !!!!

Já, svona er það.
En ég held ég þurfi að skella mér í lærdóminn... hef engu komið í verk, það sem af er dagsins í dag.
Bið að heilsa in the bil
Turilú
Erna og "Lille" Gígantiskó Larsen

2006-03-20T18:28:00.000Z

Sæl veriði, það er Lille Larsen sem talar!

Mamma mín er búin að setja örfáar myndir í albúmið mitt hér til hliðar. Þær eru teknar með nokkurra daga millibili svo að það sést ekki mikill munur, en tilgangurinn með þeim er EINN OG AÐEINS EINN: að sýna ömmu Höllu óléttubolina sem að hún var svo væn að gefa mömmu.
Málið er nefnilega það að ég stækka og stækka eins og vitleysingur og bumban hennar mömmu minnar með, og fá af þeim fötum sem hún á eru nógu stór eða með nógan teygjanleika til að vera í þessa dagana. Og þar koma sko H&M og buddan hennar ömmu sterk inn!!!

En eins og ég segi, þá eru nokkrar myndir komnar,... bumban er svona að byrja að síga aðeins - miðað við áður - og ég er sko ALGJÖR prakkari. Ég er nefnilega alltaf að stríða mömmu minni og sparka hér og þar. Stundum, þá finnur hún spark uppi við rifbeinin og niðri við nárann Á SAMA TÍMA. Mamma var soldið hrædd um að við værum 2 stykkin þarna inni og spurði afa Sigga hvort að það væri eðlilegt að finna svona kröftugt á tveimur stöðum í einu, án þess að um sé að ræða tvíbura. Afi sagði henni að auðvitað væri ég með kraft í höndunum líka, svo að ég þyrfti ekki að stressa mig útaf þessu.
Tíhíhí.. Já ! ég er sko þvílíkur platari, og ég ætla EKKI að segja ykkur hvernig ég fer að þessu!!!

Síðan stundum, þegar mamma og pabbi liggja uppi í rúmi og slappa af og horfa á sjónvarpið, þá byrja ég að hreyfa mig á fullu. Og stundum, þegar ég er í extra stuði, þá gef ég þvílíka orku í þetta svo að það er alveg hægt að sjá skinnið á maganum hennar mömmu lyftast upp hér og þar. Ég veit þeim finnst það gaman, því að ég heyri þau alltaf hlæja þegar ég geri það!

Pabbi minn er soldið duglegur að tala við mig. Ég er alveg farin að kannast við röddina hans. Stundum heyri ég meira að segja alveg rosalega vel í honum, og ég held að það sé vegna þess að hann setur munninn sinn aaaaalveg upp við magann á mömmu.
Hahaha.. einu sinni, þá var ég sko að gantast í honum: þegar hann talaði svona við mig í gegnum naflann, þá sparkaði ég alveg eins fast og ég gat. Tíhí! Það var soldið fyndið, af því að hann hafði akkúrat lagt eyrað upp við magann hennar mömmu og var að reyna að hlusta eftir einhverjum hljóðum, - og svo bara *búmm*... fékk hann einn á kjammann !!!

Núna er ég orðin/n 28 vikna. Í tilefni af því, erum við að fara í heimsókn til ljósmóður, núna á miðvikudaginn. Það er daginn áður en mamma kellingin verður 24 ára! Vá.. GEÐVEIKT gömul, maður!

Ohhh, núna verður mamma að standa upp og fara að horfa á sjónvarpið. Það er nefnilega verið að sýna LOST og það er eitthvað sem hún má sko EKKI missa af.

Það var gaman að heyra í ykkur, og ég bið að heilsa í bili
Turilú
Lillelíus

2006-03-18T20:28:00.000Z

Mér leiðist,.. sem aldrei fyrr!!!

Martin er í partýi, og þó að ég sé kona eigi einsömul, þá er ég nú samt voðalega ein þessa stundina!
Sit bara hérna með nammi og kók við tölvuna og horfi á American Idol með öðru auganu og spila tölvu-kapalinn minn góða með hinu!

Er svona að jafna mig á litlu sjokki sem ég var að fá: tók alltíeinu eftir því að ég var komin með nýjan fæðingablett á bringuna. Og það ekkert lítinn, sko!
Þar sem að ég hef alltaf verið mikill aðdáandi sólarinnar, þá hef ég verið dugleg að fylgjast með breytingum í þeim efnum. Tjékka alltaf reglulega hvort núverandi fæðingablettir eru eitthvað að stökkbreytast: stækka eða taka nýjan lit.
Og þess vegna, þegar ég sá alveg splunkunýtt kvikindi á miðri bringunni, þá stóð mér nú ekki alveg á sama, og skrifaði minnismiða í símann minn: "Muna að panta tíma hjá húðlækni!"

.......

Turns out,... að það er kannski ekkert sniðugt að borða súkkulaði í flegnum V-hálsmáls-bol !!!!!

To all my niggaz in da hooooood....

2006-03-17T07:47:00.000Z

Mig langaði bara rétt að kasta kveðju á alla negra-vini mína og blóðbræður in the blocks!

Málið er nefnilega það að rassgatið á mér er búið að vaxa svo allsvakalega seinustu mánuði, að það er farið að teygja sig út í víddir sem ég vissi ekki einu sinni að væru til.
Með þessu áframhaldi, þá verð ég bara orðin eins og vel fönguleg afrísk-amerísk svertingjakona, mun ganga um með hoppandi hamborgararassinn minn, dillandi jellylærin, í sérsaumuðum pokabuxum, hrópandi ódæðisorð á háa c-inu að hverjum þeim sem vogar sér að setja út á mig, með aðra höndina á mittinu og hina höndina á fleygiferð, sveiflandi vísifingrinum eins og áttavita!!!

"You go girrrllll.... !!! "

2006-03-16T08:02:00.000Z

NEEEEEEEEEEEEEEEEEEEEEEeeeeeeeeeeeeeeeeeeeeeeeeeiiiiiiiiiiiiiiiiiiiiiiiiiiii..............

Afturhvarf til fortíðar...

2006-03-14T15:12:00.000Z

Já,.. ég skellti mér á smá trip down memory lane núna áðan, og fékk mér PEZ í gogginn. Muniði sportið sem var í kringum að borða þann fjanda? Sérstaklega ef að maður átti PEZ-kall?!
En ég veit ekki hvaða heimski maður hefur tekið við stjórn í höfuðstöðvum PEZ-framleiðslunnar, né hvað hverju hann hefur bætt við uppskriftina,- en eitthvað er það nú ekki eins gott og það var hér áður fyrr !!!!

Kannski er ég bara orðin svona gömul og bragðkirtlarnir mínir svona þroskaðir, að ferkantaðar samansoðnar sykurpillur eru ekki alveg að gera sig lengur hjá mér.
Hver veit,.. en við skulum bara orða það þannig að ég er ekkert að hlaupa fram í eldhús til að rífa pappírinn utan af restinni !!

---

Martin er farin til Svergie. Já, drengurinn þarf að fara að gera einhverja markaðskönnunn á sænska markaðnum fyrir praktíkina sem hann er í. Gott fyrir hann,- en ekki fyrir mig. Málið er nefnilega það að þegar ég spurði hann hvernig hann kæmist þangað yfir, þá sagði hann mér að þeir myndu sigla. Það er þess vegna sem ég er soldið bitur: ef hann siglir, þá þýðir það að hann fer ekki í gegnum fríhöfnina, sem þýðir að þá fæ ég ekkert ilmvatn :(

En jæja, kannski best að nota tímann til að taka til í fataskápnum
hilsen að handan,
Ernos

2006-03-12T19:38:00.000Z

Jæja, þá er Britney Spears víst orðin ólétt aftur... og ekki nema um 5 mánuðir síðan að hún spýtti út úr sér seinasta krakkaskratta!
Þetta segja allavegana ALLAR slúðursíðurnar seinustu daga, vinir hennar eiga að hafa kjaftað í blöðin, og svo hafa myndir af henni verið að birtast hér og þar á netinu, með "aðeins stærri maga" en áður fyrr!

Ég veit ekki hvað ég á að segja um hana Britney blessunina, sem ekki hefur verið sagt áður: af hverju hún byrjaði að deita Federline in the first place, er mér algjörlega óskiljanlegt. Af hverju hún er ekki löngu búin að fleygja honum eftir allt bölvaða vesenið á honum er enn meira óskiljanlegt, ... en það að hún sé nú að bera hans annað barn .... !

Well... smack my ass and call me Judy !!!

2006-03-09T09:59:00.000Z

Ég skil ekki af hverju mér þykir svona vænt um eyrnalokkana mína! Ég skil yfir höfuð ekki af hverju ég er svona SVAKALEGA æst í eyrnalokka. Ég á svo mikið af þeim, að það er ekki eðlilegt,- en það besta er að ég nota þá alla jafn mikið, á hverjum degi, alltaf að setja nýtt par. Er aldrei með sama parið tvo daga í röð !!!
Ég get verið ein heima í gússífötum að dúlla mér, og ég skelli þeim í eyrun. Við Martin getum verið á hraðferð útúr húsi, en ég geri auka ferð inn í herbergi, þykist hafa gleymt að slökkva ljósið þar,- en er í rauninni bara að ráðast á skartgripaskrínið. Sama hvað,... þá finnst mér alltaf jafn gaman að skella í mig einu pari af flottum eyrnalokkum.
Og ég er ekki að tala um einhverja demantssetta gripi úr Georg Jensen. Ég er að tala um einföld 30 dkr kvikindi úr H&M ! (300-400 ísl. krónur)Eina skilyrðið sem ég set, er að þeir verða helst að vera soldið stórir og lafandi, því þeir verða að sjást þegar maður er með slegið hárið !!!!

En grínlaust, þá getur það alveg bjargað deginum mínum ef ég rekst á 30 kall í veskinu mínu á leiðinni heim úr skólanum, sem ekki hefur verið ætlaður til einhverra annarra kaupa. Þá er bara YNDI að skella sér inn í búðina og festa kaup á einu pari. Síðan hlakka ég alveg til það sem eftir lifir dags til að setja þá í eyrun daginn eftir !!! (Því ekki get ég sett þá í eyrun sama dag, maður verður nú vera klæddur í stíl við lokkana, og má þar að auki ekki svíkja parið sem maður hafði sett í eyrun þann morguninn!)

Það er síðan skemmst frá því að segja, að þegar ég var að þrífa húsið í gær, þá fann ég 10-kall undir þvottagrindinni inni í stofu. (Það fylgir nú samt ekki sögunni að ég veit að þeir duttu úr gallabuxunum hans Martins,en what the hell! Sá á fund sem finnur! ) (Já já.. ég veit.. call the cops!!!)
Ég hef nú komið honum fyrir á öruggum stað í buddunni minni, og skríð hérna örvæntingarfull um gólfið, eins og vitlaus manneksja.. í von um að finna 2 til !!!!

Langaði bara að deila þessu með ykkur þarna úti... ásamt þeirri staðreynd að það eru ekki nema bara 2 vikur þar til kjéllingin á afmæli..... ;)

Hvar er Bubbi ????

2006-03-06T20:19:00.000Z

Við Martin skelltum okkur seinasta föstudag upp á læknastofuna þar sem við erum að skúra og ætluðum að fá að vita kynið á krakkaskrattanum. Læknirinn byrjaði á því að segja mér að þetta væri ekki hans sérsvið og þess vegna gæti hann ekki lofað því að hann kæmi með lokaniðurstöðu. Fyrir utan það, að hann sagði að 26. vika væri soldið seint fyrir slíkar aðgerðir.

En nema hvað, hann leitaði og leitaði, bögglaðist fram og til baka með stýripinnan á sónartækinu, pírðu augun, zoomaði inn og zoomaði út, aftur og aftur ... en hvorki fann hann bibbu né bubbaling. Fjandans fjandinn!!!! :(

En hvernig sem fer og hvort sem verður, þá lofa ég að þetta:
kemur ekki fyrir barnið mitt !!!!

Over and Out

2006-03-05T21:03:00.000Z

Þurfum við eitthvað að ræða þetta betur ?????

2006-03-05T12:08:00.000Z

Jæja,.. þá er ég búin að henda inn nokkrum bumbumyndum í viðbót!

Kannski finnst ykkur við vera soldið mikið of æst á myndavélinni, og að það sé ekki það mikill munur á milli vikna, - en okkur Martini finnst vera munur á milli DAGA .. þannig að við hjökkumst ennþá á kvikindinu =...still going strong on the camera!

Adios

2006-03-04T13:10:00.000Z

Hvaða HÁLFVITI ákvað að planta 4 H&M búðum í innan við 10 mínútna göngufjarlægð frá fátækum námsmanni.....!?!?!?!??!?!

2006-03-01T23:12:00.000Z

Ohhh, það er svo agalegt þegar að maður verður alveg bara OBSESSED af að fá eitthvað ákveðið að borða. Þegar maður fær alveg svona hryllilega löngun sem heltekur mann alveg í öllu sínu skinni, - löngun, sem bara hverfur ekki nema að maður setji viðkomandi mat inn fyrir sínar varir !!!

Og hvað gerir maður svo, þegar maður býr í Danmörku og sér ekki neitt annað en grænan hlunk þegar maður lokar augunum ????????????

kippur...

2006-02-28T09:59:00.000Z

Martin er einn af þeim sem að er snilld að fylgjast með þegar hann er að sofna. Drengurinn getur BÓKSTAFLEGA verið nýbúinn að sleppa einhverju orði, út fyrir sínar varir, og þá er hann floginn á brott. Grínlaust! Svona virkar þetta stundum.

Ég er aftur á móti akkúrat öðruvísi, og í langflestum tilvikum þá tekur það mig alveg 2,3....5....10 mínútur að sofna,- þó svo að ég sé dauðþreytt! (Nota bene: í flestum tilvikum, en ekki öllum!)

Undanfarna daga, hefur Martin verið alveg með sýningu fyrir mig í þessum efnum. Hann segir "Góða nótt!", svo um leið heyrir maður andardráttinn þyngjast, síðan heyrist semi-hrota, eftir það koma nokkrir svona fyrir-skjálftar, og svo *BANG* þá kemur einn OFUR-svefnkippur og rúmið, dýnan og ég, alveg svoleiðis hristumst eins og ég veit ekki hvað! Og svo þegar öll ósköpin eru yfirstaðin, þá segir hann... alveg svakalega súrsað (og eins og klippt úr Beavis og Butthead): "VOOOOooóóóó!" - með sömu rödd, bara eins og hann gæti ekki verið meira high!
Grínlaust, þá hefur NÁKVÆMLEGA þessi atvikaröð (þessi litli leikþáttur) endurtekið sig, kvöld eftir kvöld, með öllum smáatriðum included!

Já! Svefnkippir eru hin mesta skemmtun. Mér finnst þetta allavegana ÆÐI, og núna sé ég sko til þess að ég sofna ekki á undan Martini, því ég má hreinlega ekki við því að missa úr hláturinn sem fylgir!

Þetta var alveg sérstaklega merkileg saga og boðskapurinn með henni er akkúrat enginn. Langaði bara að deila með ykkur hvers dags hápunkti mínum seinust vikurnar!
Cheers

2006-02-24T19:47:00.000Z

Hvaðan kemur þessi táfýla ?????

Já, þetta er alveg hreint ÓTRÚLEGT!! Í hvert sinn sem ég sit hérna við tölvuna, þá gýs upp þessi sva-HAkalega támyrja, að annað eins er nú bara ekki eðlilegt. Og svo þegar ég stend upp og fer í burtu, eða sest einhversstaðar annarsstaðar, þá er ekkert. Nada! Null! Ég skil þetta barasta ekkkki!

Og Guð einn má vita að ég hef gert dauðaleit að upprunanum: til að byrja með, þá hef ég beygt mig og sveigt og þefað af eigin tásum. Það eru ekki þær! Þannig að mér datt í hug að það væri kannski eitt stykki sokkur-hans-Martins í felum hérna í nágrenninu, svo að ég hef gengið hérna hring eftir hring í kringum tölvuborðið, farið niður á fjórar lappir og dregið fram alla mögulega hluti, ýtt þeim til hliðar og lyft þeim upp. Ekkert! Nada! Null!

Hvað er málið ??? Hvar er þessi mistery sokkur ????
Ég býð vegleg fundarlaun, því ég er með gubbuna uppi í hálsi!

---

Annars verð ég nú að viðurkenna það að ég er fegin að við Martin getum yfirhöfuð bæði verið í sokkum: Var nefnilega að lesa það á textavarpinu í gær, að á seinasta ári þá gerðu danskir læknar 30 sinnum mistök sem urðu til þess að þeir skáru af einhvern útlim af vitlausum sjúkling !!!! 30 SINNUM !!!! Halló !?!?!? Það er meira en 1 sinni á 2 vikna fresti ?!?!?!?! Ímyndiði ykkur að fara upp á spítala með slæman niðurgang, og koma svo heim nokkrum dögum seinna, með bara einn fót !!!! Sko, hvað er hægt að segja!?!?
Og ekki bara það, heldur voru þeir skuggalega nálægt því að gera þessi mistök í 68 öðrum tilfellum, en af einhverjum ástæðum þá uppgötvaðist það áður en það var um seinann! Hvað gera þeir þegar þeir fatta þetta? Reyna að sauma helvítið á aftur,.. eða bara fleygja því ofan í frysti, til þess að nota seinna meir?

Sjálfir segja læknarnir að þetta stafi af því að það er alltaf svo mikið stress á sjúkrahúsunum nú til dags, mikill hraði og mikið að gera.
Mér er bara fjandans sama, og þetta er örugglega lélegasta afsökun sem hægt er að koma með. Ráðiði þá bara fleiri manns, komiði upp betra skipulagi. Geriði eitthvað í þessu, for God's sake!

Ef skipulagið er svona agalega lélegt, þá verð ég nú að viðurkenna að mér stendur ekki alveg á sama. Það er vonandi að ég mæti ekki inn á fæðingadeildina í júní, og fari svo heim með annarra manna barn. Eða það sem meira er; að ég fari heim með annarra manna fót !!!!!!!!
---

Hvernig sem það allt fer, þá ætla ég að hendast upp í rúm og horfa á SO YOU THINK YOU CAN DANCE!
Amen!

2006-02-23T09:35:00.000Z

Var að lesa þessa seinustu færslu yfir núna áðan, og ég skal bara segja ykkur það, að hún er bara akkúrat ekkert fyndin !!!!
Veit ekki hvað ég get sagt mér til varnar, ætli ég hafi ekki bara verið high þennan dag,-..... high from LUUUUUUUVVVV !!!

Annars eru hræðilegar fréttir úr húsinu: ég á nákvæmlega 3 mjólkurkex eftir og það er allt og sumt af íslenskum matarleifum :( Ég gæti grátið! Grænmetissósan söng sitt seinasta lag í gær, snakkídýfan hans Martins rann ofan í magann um helgina ásamt öllu íslenska ofursælgætinu,- nema súkkulaðirúsínurnar - en þær kláruðust þegar ég bakaði og át klígjukökuna á þriðjudeginum!

Já! Núna er s.s ekkert gott né girnilegt eftir í þessu húsi, og ég er svo leið að mig langar bara að liggja uppi í rúmi í allan dag !!! Puff og svei.... og megi fjandinn hirða þennan venjulega danska mat :(

Að öðru leiti hef ég lítið að segja, þarf að fara að halda áfram með verkefnið mitt
Ég sendi súrar saknaðarkveðjur yfir í Hagkaup,.. vildi óska að ég stæði þar núna með bláa fimmþúsundkalla og 4 stóra poka fulla af íslensku góðgæti!

Adios...

2006-02-21T16:26:00.000Z

Sá sem sagði að maður þroskast með aldrinum, hefur greinilega aldrei kynnst mér !!!

Já, það er s.s þannig að við skelltum okkur yfir á Sjálandið um helgina og kíktum á þetta hús sem við vorum að spá í að kaupa. Það reyndist bara vera hið flottasta og fram úr okkar vonum, svo að við sögðum "endanlegt já" og hristum spaðann á fasteignasalanum !!!

Svo er það þarna á laugardagskvöldi, að við sitjum inni í stofu og erum að horfa á sjónvarpið. Það er einhver svona þáttur í sjónvarpinu, þar sem lagið "In the shadow" með The Rasmus er flutt, og ég fer nottla öll að iða, enda er þetta eitt það allra skemmtilegasta djammlag sem ég veit um.
Nema hvað, að Martin tekur undir og fer að dilla sér með og syngja lagið, aðallega svona til að pirra mig, af því að hann kann ekki að syngja og honum finnst lagið ekkert spes. Hann hefur í rauninni aldrei skilið hvað mér finnst svona æðislegt við lagið, en í þetta sinnið söng hann af líf og sál, með lokuð augun og sálina í þessu öllu saman: "I've been watching,... I've been waiting... in the shadow.... of the daaaawn!"
BWAHAHAHHAHAAAHAHAH !

Hvað get ég sagt !?!??! Þó svo að ég hafi spilað þetta lag svona um það bil billjón sinnum hérna heima, alveg í botni, aftur og aftur þá hefur það greinilega ekki náð að mjaka sér inn í hausinn á Martini, því drengurinn er greinilega ekki alveg með á nótunum. Fyrir þá sem ekki vita, þá er viðlagið svona: "I've been watching,... I've been waiting... in the shadow.... for my time!"

Ég kvarta samt ekki,- ég hreinlega ELSKA þegar annað eins gerist: s.s þegar fólk er að syngja eitthvað lag, kann ekki textann og býr bara til eitthvað sem er nálægt því að vera rétt. Það var nákvæmlega það sem Martin gerði í þessu tilfelli, og svona til að toppa það allt, þá var hann að reyna að vera einhver plebbi, söng þetta með svaka stæl til að pirra mig og þóttist kunna þetta allt saman.

Það þarf væntanlega ekki að láta það fylgja með, að ég hló svo ÓGEÐSLEGA mikið að við skulum bara segja að ég var fegin að vera með innlegg í nærbuxunum mínum! Ég hreinlega gat ekkkkkkki hætt, hvorki að hlæja né grenja. Og alltaf þegar ég náði að róa mig niður, þá varð mér hugsað til þessa svakalega tilfinningaríka performance hjá stráknum og ég byrjaði aftur. Pabbi hans Martins kom hlaupandi innan úr eldhúsinu og spurði hvað væri svona fyndið, en hann varð að bíða í dágóða stund eftir svari, því ég kom ekki upp orði!
Og svo löngu seinna, þegar þetta var hætt að vera fyndið, fólk farið að hugsa um eitthvað annað og Martin búinn að ná sér eftir árásina... þá var ég ennþá að skella uppúr.

Og ég endurtek það sem ég byrjaði þetta blogg á að segja; Ég held að þroskaferill minn sé svipaður og skapið mitt= soldið svona eins og fleygbogi eða hjartalínurit!

Sorglegt að segja að ég sé að verða mamma, þegar ég er ennþá bölvaður krakki sjálf !!!

---

Annars má ég ekki vera að þessu rugli. Við Martin eigum 4 ára afmæli í dag, og ég þarf að fara að elda hátíðismáltíð. Ég sendi hann í skemmtilega langan og spennandi ratleik hérna um húsið í dag, þegar hann kom heim úr vinnunni. Hann var SVOOO langur og spennandi, að hann meira að segja beið með að borða uppáhaldskökuna sína (klígjuköku) sem ég svo snilldarlega töfraði fram í gær. Mamma, hún tókst GEGGJAÐ VEL !!!

Það sem hann uppskar eftir allt erfiðið og endalausar ferðir fram og til baka í okkar 45 fermetra íbúð, var svakalega fallegt ljóð á dönsku, sem ég bögglaðist við að semja í morgun, og sérstaklega skemmtilegur fótbolta-playstation-tölvuleikur.
Við höfðum nú upphaflega talað um að gefa ekki neinar gjafir, enda verðum við að fara að halda aðeins fastar um budduna á þessu heimili til þess að geta búið okkar barni bjarta framtíð. En ég stóðst ekki mátið í gær þegar ég sá gripinn á útsölu niðrí verslunarmiðstöð.

Anyyywhooo... ég ætla að stökkva inn í eldhús og gera eitthvað gott
Bið að heilsa og Guð blessi ykkur öll,
The big E - a.k.a THE MATURE WOMAN!!!!

2006-02-17T11:41:00.000Z

Kæru félagar!

Við erum á leiðinni yfir á Sjálandið. Málið er nefnilega það að við erum búin að finna okkur hús, sem að okkur finnst geggjað magnað og langar til að festa kaup á. Við erum sko "formlega" búin að skrifa undir pappírana, svo að það má segja að ÞANNIG LAGAÐ sé þetta hús nú þegar í okkar eign. En, hinsvegar, ... þá hefur maður 6 daga til að hætta við, frá því að maður hefur skrifað undir. Þaaaaannig aaaað, á morgun, þá förum við að kíkja á gripinn (vissara að skoða áður en maður kaupir) og í framhaldi af því, þá segjum endanlega "af" eða "á". Ekki magnað ?!? Um 5 leitið á morgun get ég verið orðin húseigandi í Holbæk!!!

---

Annars vorum við hjá el doctor í morgun, bara svona tjékk á kjéllingunni og lille larsen. Erum bæði/báðar við hestaheilsu og allt nákvæmlega eins og það á að vera; blóðþrýstingur á réttu bili, þvagprufa sýndi allt gott, sama sem enginn bjúgur farinn að láta sjá sig, hjartslátturinn í lille á góðu róli og ég búin að þyngjast rétt !!! (þó svo að ég vilji sjálf meina að það sé akkúrat EKKERT "rétt" né gott við það að vera búin að þyngjast um 5-6 kg á 2-3 mánuðum !!!!!!!!!!! :(

En pfff.. við hverju öðru er svosum að búast, þegar maður er hreinræktaður víkingur -de Islandia !?!?

Annars er mig allan tímann búið að langa til að vita kynið, en Martin þverneitaði og sagði að þetta ÆTTI sko að vera surprise!
Af einhverjum undarlegum ástæðum hefur kallinn allt í einu snúist 180 gráður við, og núna vill hann ólmur fá að vita nákvæmari útlistun á erfingjanum. Það versta er hinsvegar að það er hvergi skráð í skjölunum, - hvorki læknis, ljósmóður né hjúkku. Við vorum nefnilega að vonast til að þó svo að maður biðji ekki um að vita kynið, að það sé samt standard hjá þeim að skrá það alltaf hjá sér!
Það virðist s.s ekki vera vaninn og við eigum ekkert eftir að fara meira í sónar, en það er akkúrat þar sem að maður fær slíkt að vita, þ.e.a.s ef maður biður um það á viðkomandi augnabliki!
Við getum víst pantað okkur spes tíma á prívat-stofu, en það kostar víst morðfjár, og við eigum sko ekki "morðfjár" á þessu heimili,...... við eigum varla "fjár"!

Þannig að, það sem við getum gert, er að skutlast upp á læknastofuna þar sem við erum að skúra. Þau eru nefnilega með sónar-tæki þar og voru búin að bjóða okkur að koma hvenær sem við vildum til að láta kíkja á krílus.
Eins og planið er núna, á ætlum við að skutlast þangað á mánudaginn og fleygja okkur upp á bekkinn og biðja um svar. En nota bene, það er eins og planið er NÚNA!
God knows, að það getur allt saman breyst, og ég veit ekki hvort að Martin mun láta slag standa, þegar á hólminn er komið !!!!

Anywhoooo, .. ég þarf að fara að skvetta úr'enni
geri ekki annað þessa dagana
bið ykkur vel að lifa og eigiði góða helgi.
I am off, to buy me some house....

2006-02-14T19:22:00.000Z

Nú fer brátt að koma að því að ég stíg inn í 24. aldursárið.
Þegar ég lít til baka yfir farinn veg, þá verð ég nú að viðurkenna það að það er sko alveg fjandi margt sem ég er þakklát mínum foreldrum fyrir að hafa gert fyrir mig.
En eitt er það þó sem seint verður sett á þann listann og ég veit ekki hvort ég mun nokkurn tímann fyrirgefa honum karli föður mínum þá syndina = að hafa kennt mér að spila FreeCell tölvukapalinn !!! Ég er gjörsamlega föst í honum, og sífellt að keppa við sjálfa mig og tölvuna, kíki stöðugt á statistíkina og bið til Guðs að UNNIR LEIKIR séu orðnir fleiri en TAPAÐIR. Ég hangi hérna langt fram á kvöld, að beeeeerjast við að halda augunum opnum, af því að ég ætla bara ".. að spila einn enn... " og " eiiiiinnn enn !!! " - og meira að segja finn sjálfa mig stundum liggjandi uppi í rúmi, með lokuð augun að flytja hjarta tíu ofan á laufa gosa !!!

Boðskapurinn minn er aðeins einn og ekki flókinn; byrjiði EKKI að spila kvikindið,- því það er meira ávanabindandi en Diet Kók !!!!!

---

Annars var ég að setja inn nýjustu bumbumyndirnar. Linkurinn er hérna við hliðina á: LILLE LARSEN !

Enjoy, og geriði ekki grín að listaverkinu mínu (þið vitið hvað ég meina þegar þið skoðið myndirnar !)

Gleðilegan Valentínusardag
eigiði glaðan dag
Hæl,- Hitler !

BARA fyrir Magnús...

2006-02-14T11:54:00.000Z

....

***Eurovision-lagið***

.... !!!!!

2006-02-11T21:42:00.000Z

Já, ég held sko að íslenskir lagahöfundar geti lært eitthvað af að hlusta á Dönsk Eurovisionlög. Það var sko ALLT ANNAÐ að horfa á þessa keppni, en þá íslensku (sem ég reyndar sá bara í lélegum gæðum í gegnum netið!)

Danska keppnin var s.s haldin í kvöld.. og þar voru svona 5 lög (af 10) sem mér fannst góð, og EKKERT sem mér fannst hryllilegt. Eitt af þessum 5 var samt áberandi best: 17 ára stelpa sem syngur alveg hrottaralega grípandi twist-lag, - maður fær alveg fiðring alla leiðina í gegn. Við Martin töluðum um að hún hlyti nú að vinna þetta, og að hún væri lang besti kandidatinn í keppnina í Grikklandi.
Og haldiði ekki bara að hún hafi tekið þetta allt saman í nefið, og rúllað þessu upp. Go DANMARK !!!

Annars er ég engan veginn að fíla Silvíu Nótt-lagið. Jú jú, hún getur nú alveg fengið mann til að hlæja og þetta er nottla hreinasta vitleysinga-show (vel meint) - en lagið sjálft er fruntalega leiðinlegt og getur sko EKKI náð langt á erlendri grundu! Þó svo að maður voni náttúrulega alltaf.

Svo er ég búin að setja upp litla bumbu-myndasíðu. Ég er að hlaða inn myndum á hana í þessum töluðu orðum, og svo vantar okkur snúru fyrir myndavélina, þannig einhvern tímann í næstu viku, þá verður þetta komið inn. Þangað til...verðiði að bíða róleg !

*** LILLE LARSEN ***

En það var ekki meira í bili,
cheeeeers !
("... sometimes you wanna go, - where everybody knows your naaaaaameee!")

2006-02-07T14:57:00.000Z

Ég hef nú framið ansi mörg heimskupör í gegnum lífstíð mína,- en get stolt sagt að enginn hefur hann verið glæpurinn (jahh,.. nema þarna einu sinni þegar að ég stal sykurmolum úr eldhúsinu á Háaleitisbraut og faldi þá undir rúminu mínu, því ég hélt að mamma myndi ekki vilja leyfa mér að borða eintóman sykur!)

Veit samt ekki hvort að ég mun geta sagt það sama eftir daginn í dag,....
eftir að hafa kíkt á þessa síðu,- og síðan áttað mig á því að ég er stödd í rúmlega 3 þúsund kílómetra fjarlægð í burtu frá næsta sölustað sem selur slíkan unað,... þá held ég að ég sé komin ansi langt fram á brúnina, og nokkuð nálægt því að drepa mann ... eða annan !!!!

2006-02-03T10:03:00.000Z

Múslimarnir enn brjálaðir; hótanirnar koma hérna fljúgandi úr öllum áttum og núna seinast var Al-Qaeda að blanda sér í málið!

Ég fékk gott panik-kast í gærkvöldi. Ég sat hérna við tölvuna og blaðaði í öllum heimsins fréttavefjum, meðan ég flakkaði á milli danskra og erlendra sjónvarpsstöðva, hlustaði á fréttirnar aftur og aftur, og las textavarpið. Ég hreinlega VARÐ að finna eitthvað sem myndi róa mig,- eitthvað jákvætt í öllu þessu rugli!
Því miður rakst ég ekki á neina slíka frétta, og allar snérust þær um hversu reiðir múslimarnir væru og hvað þeir skyldu sko hefna sín.

Eins og staðan leit út fyrir mig í gærkvöldi, þá byrjaði ég að horfa inn í rauðan dauðann. Ég hreinlega brotnaði niður og fór að hágrenja, af því að mér fannst ég eitthvað svo varnarlaus og fór að hugsa allar heimsins mögulega hræðilegu hugsanir. Ein af þeim var sú að ég ætti aldrei eftir að sjá ófætt barn mitt !!!!!!!!!!!
Martin húðskammaði mig fyrir að vera að lesa allar þessar fréttir,- þær gerðu mig bara ennþá stressaðari. Hann reyndi að hughreysta mig; sagði mér að hann héldi að ekkert myndi gerast og þetta væru bara hótanir. Pabbi og mamma tóku sömu aðferð á þetta, og sendu mér nokkur sms sem að áttu að róa mig,-.... en ekkert virkaði!

Grínlaust.. þá hélt ég að ég væri að missa vitið !!!

Já, maður er nú ekki alltaf eins og maður lítur út fyrir að vera! Þó að ég sé gallharður, íslenskur víkingur, þá er ég ekki neit nema bara lítill aumingi inn við beinið !!!!!!!

Sama hvernig sem fer og sama hvar ég enda,- þá mun ég nú allavegana skilja eftir mig eina góða arfleifð - á einn eða annan máta:
Rétt eins og eftir seinni heimstyrjöldina þegar Dagbók Önnu Frank tröllreið heiminum, þá mun Blogg Ernu Sig fara sömu leið !!!!

Megi Guð vera með okkur öllum !

---

P.s Hvernig er ykkar sýn á þetta mál? Hvernig haldiði að þetta endi allt saman ???

2006-02-01T15:44:00.000Z

ERUM VIÐ EKKI AÐ GRÍNAST MEÐ EUROVISION LÖGIN ?????????????

Það er ekki eitt einasta lag sem mér finnst verðugur kandídat í þessa keppni !

Ég ÆLI !!!!

..og þá nálgast endalokin !!!

2006-01-31T17:08:00.000Z

Já.. ja hérna hér!

Ég er ekki frá því að líf mitt sé brátt á enda!

Haldiði ekki að það hafi borist sprengjuhótun hérna á skrifstofu JyllandsPosten (blaðsins sem birti skrípamyndirnar af Múhammeð), bæði í Aarhus og Köben!

Ég hef sagt það áður og ég segi það enn; ótti minn við að látast í hryðjuverkasprengingu er á einhverjum rökum reistur! Ég sverða... maður er ekki eins vitlaus og maður lítur út fyrir að vera, og eftir einhverjar vikur mun ég rísa til baka úr sprengjurústunum og benda á ykkur hin sem að hafið hlegið að minni hryðjuverkahræðslu !!!

Verst bara að ég næ ekki að fá mér einn Álfheimaþeyting áður en ég kveð!!!!!!!